| e-texts navigator |
| Wylie |
92b1 རྒོད་གཉིས་ཀྱང་རང་བྱུང་ཀློང་།། མ་རིག་མེད་པས་ཡེ་ཤེས་ཀློང་།། དེ་ཕྱིར་རང་བྱུང་ཤེས་རབ་གསལ།། བཞག་དང་ལངས་པ་མེད་པའི་ཕྱིར།། བདེ་དང་མི་བདེ་ཐམས་ཅད་ཀུན།། དོན་ལ་རང་རིག་ཆོས་སྐུར
92b2 གཅིག། གསལ་དང་མི་གསལ་གང་ཡང་རུང་།། འཛིན་མེད་རང་བྱུང་ཆོས་སྐུ་ལ།། དྲན་དང་མ་དྲན་གང་ཤར་ཡང་།། གང་གི་གཉེན་པོ་བརྟེན་མི་དགོས།། གང་ཡང་ཆོས་སྐུར་ཤེས་པའི་ཕྱིར།། ཡེངས་དང་མ་ཡེངས
92b3 གདོད་ནས་མེད།། དེ་ཡང་འདུས་པའི་སྙིང་པོ་ཉོན།། དེ་ལྟ་བུ་ཡི་སེམས་ཅན་ཀུན།། ལུང་ལྡན་མ་ཕྲད་ཕུགས་མ་དག། གཞི་ཉིད་མ་ཤེས་བར་དུ་ཡང་།། ཡུལ་སེམས་གཉིས་ཀྱི་འཁྲུལ་པ་ཡོད། དེ་ཕྱིར་དད་པས
92b4 ཅི་བསྒོམ་ཡང་།། བྱིང་རྒོད་ཡེངས་དང་མ་ཡེངས་འབྱུང་།། རང་བློ་ཞེན་པ་སྣ་ཚོགས་བྱེད།། ཀུན་ཀྱང་ང་དང་འདྲ་སྙམ་ནས།། གདམས་ངག་ཅན་ལ་སྒྲོ་སྐུར་འདེབས།། དེ་ཉིད་གཞི་ཉིད་མ་ཤེས་ན།། ཆོས་སྤྱོད་བརྩོན
92b5 ཡང་རྣལ་འབྱོར་མིན།། བསྐལ་པར་བསྒོམས་ཀྱང་སངས་མི་རྒྱ།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས།།
92b6 རྡོ་རྗེ་སེམས་དཔའ་གཞི་ཕྲད་པའི་རྟོགས་པ་བསྟན་པའི་ལེའུ་སྟེ་དྲུག་ཅུ་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་ཚོགས་ལ་ཕན་གདགས་ཕྱིར།། ཀུན་ཏུ་བཟང་ལ་འདི་སྐད་གསོལ།། ཐིག་ལེ་ཅག
iiif viewer powered by OpenSeadragon
