| e-texts navigator |
| Wylie |
92a1 ཀྱི་རྟོག་པ་བསལ་བའི་ལེའུ་སྟེ་ང་དགུ་པའོ།། །། དེ་ནས་ཀུན་རིག་རྒྱལ་པོ་ཡིས།། རྒྱུད་བདག་རྡོ་རྗེ་སེམས་དཔའ་ལ།། རང་རིག་རྟོགས་དོན་འདི་སྐད་གསོལ།། ཀུན་བཟང་གདམས་ངག་འདི
92a2 ཕོག་པས།། བདག་དོན་རྟོགས་པ་འདི་ལྟར་ཤར།། ཡུལ་དང་སེམས་ནི་ཅིར་སྣང་ཡང་།། འཁྲུལ་པའི་ཡིད་ཀྱིས་བརྟགས་པ་ལས།། དོན་ལ་མེད་པར་རང་ཡིད་ཆེས།། ལུང་ལྡན་གདམས་ངག་ཟིན་ཙམ་ན།། གང་ཡང
92a3 མི་འགལ་ཆོས་སྐུར་ཤེས།། དེ་ཡང་འདུས་པའི་སྙིང་པོ་ཉོན།། ཇི་བཞིན་པ་ལ་དོན་གྱིས་ཟིན།། མ་བཅོས་པ་ལ་དྲན་པ་གསལ།། ཡིད་ཆེས་དོན་ལ་འགྱུར་བ་མེད།། མ་འགགས་པ་ལ་བཟུང་རྒྱུ་མེད།། འགྲོ་འོང་མེད
92a4 པར་རང་སར་གནས།། ཤེས་པ་གསལ་ལ་མནོ་བསམ་བྲལ།། དེ་ཙམ་ཉིད་ན་བསྒོམ་དུ་མེད།། དེ་ཡང་འདུས་པའི་སྙིང་པོ་ཉོན།། ཉི་ཤར་མུན་གྲིབ་མེད་པ་བཞིན།། གནས་ལུགས་གཞི་དང་ཕྲད་པའི་ཚེ།། འཁྲུལ་མེད
92a5 ཤེས་པ་ཡུལ་དང་བྲལ།། བསམས་ནས་མེད་པ་མ་ཡིན་ཏེ།། གདོད་ནས་མེད་པ་ཀུན་གྱི་གཞི།། དེ་ཉིད་རྟོགས་པས་ཀུན་བཟང་ཐུགས།། དུས་གསུམ་རྒྱལ་བའི་དགོངས་པ་གཅིག། དེ་ཕྱིར་ཐིག་ལེ་ཉག་གཅིག་ཡིན།།
92a6 འཕོ་འགྱུར་མེད་པ་ནམ་མཁའ་འདྲ།། དེ་ཡང་འདུས་པའི་སྙིང་པོ་ཉོན།། ཆོས་སྐུ་ཡེ་ཤེས་རྟོགས་ཙམ་ན།། ད་ལྟའི་ཤེས་པ་འདི་ཉིད་ལ།། བཟང་པོར་སོང་བ་མེད་པའི་ཕྱིར།། བསྒོམ་དང་མི་བསྒོམ་ཐ་སྙད་བྲལ།། བྱིང
iiif viewer powered by OpenSeadragon
