| e-texts navigator |
| Wylie |
91b1 འཁོར་གྱི་ས་བཅུའི་སེམས་དཔའ་ཡིས།། རང་ལ་ཡོད་པ་མ་རྟོགས་པས།། འགྲོ་དོན་ཆེད་དུ་རྩོལ་བ་བྱེད།། ཡེ་ཤེས་སྒྱུ་མའི་སངས་རྒྱས་འདོད།། གླེན་པས་ལྷ་ཁང་བལྟ་བ་བཞིན།། ལྡེམ་དགོངས་བསྒོམ་དང་སེམས
91b2 བསྐྱེད་དང་།། སྐུ་མདོག་འོད་དང་དཔེ་བྱད་དང་།། ཞིང་ཁམས་བརྒྱན་པ་མངོན་དུ་འདོད།། སྒྱུ་མའི་གཟུགས་སྐུ་བཟང་པོར་མཐོང་།། ཆོས་སྐུ་མ་ཤེས་ཡུལ་དུ་བཟུང་།། དེ་ཕྱིར་ཤེས་བྱའི་སྒྲིབ་པས་བསྒྲིབས།། གནས
91b3 ལུགས་ཆོས་སྐུའི་སངས་རྒྱས་མིན།། དེ་ཡང་འཁོར་རྣམས་ད་ཉོན་ཅིག། ཡེ་ནས་གནས་པའི་སེམས་ཉིད་དེ།། ཉན་ཐོས་རང་རྒྱལ་རང་དག་འཁོར།། ཤེས་རབ་དམན་ལ་ཚོགས་བསགས་པས།། མེ་ལོང་གཞི་ལ་རང
91b4 བྱད་འཛིན།། དེ་ནི་སྦྲུལ་སྐུར་མཐོང་བའི་ཚེ།། ཆོས་སྐུའི་གཟུགས་བརྙན་མ་ཤེས་ཕྱིར།། ངན་རྟོགས་སྦྱང་ཕྱིར་མོས་གུས་བྱེད།། ཆོས་སྐུར་མ་ཤེས་ཐུབ་དྲུག་མཐོང་།། བག་ཉལ་ཉོན་མོངས་སྒྲིབ་པ་ཡོད།། དེ་ཕྱིར་ཡེ
91b5 ཡོད་གཞི་མ་ཤེས།། སྨིག་རྒྱུར་ཆུ་མཐོང་སྙེགས་པ་འདྲ།། དེ་ཡང་འདུས་པའི་སྙིང་པོ་ཉོན།། འགྲོ་དྲུག་སེམས་ཅན་མ་ལུས་ཀུན།། དུག་ལྔ་རང་ལ་སྐྱེས་ཙམ་ན།། ཆོས་སྐུར་མ་ཤེས་གཏི་མུག་པས།། མེད་པའི་ཡུལ་ལ
91b6 ཆགས་སྡང་སྐྱེས།། འཁོར་བའི་མཐའ་ལ་ཟད་པ་མེད།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས་ལྷའི་བུའི་སེམས
iiif viewer powered by OpenSeadragon
