| e-texts navigator |
| Wylie |
91a1 སེམས་ཅན་ཀུན་ཁྱབ་པས།། ཐུགས་རྗེའི་རྒྱུན་ནི་ཅི་ལ་འཆད།། ཡོད་ལས་མེད་སོང་མ་ཡིན་པས།། ཆད་པའི་སྐུར་པ་གང་ལ་འདེབས།། དོན་ལ་སངས་རྒྱས་སེམས་ཅན་མེད།། གཞི་ཤེས་འབྲལ་མེད
91a2 གཅིག་པུས་ཆོག། དེ་ཡང་འདུས་པའི་སྙིང་པོ་ཉོན།། མ་རིག་རྨོངས་པའི་ལོག་ལྟ་ཅན།། འདུས་མ་བྱས་པའི་ཆོས་ཉིད་ལ།། འབྱུང་གཞི་ཐབས་ཀྱིས་ཚང་གོས་ཟེར།། རང་ཡིད་ཁྲ་བོར་ཡོད་པ་ལ།། རང་རིག་ཡིན།
91a3 འདོད་རྨོངས་པ་ཀུན།། འབྱུང་བ་དངས་སྙིགས་གཞིར་ཕྱེ་ན།། འདུས་བྱས་འབྱུང་བའི་ཁ་དོག་ལས།། ཡེ་ཤེས་ལྔ་དང་འོད་ལྔར་འདོད།། ཕྱི་ནང་ཕུང་ཁམས་སྐྱེ་མཆེད་ཀུན།། ནན་གྱིས་གཟུགས་སྐུར་བློས་བསྒྱུར
91a4 ཀྱང་།། ཡུལ་གྱི་འབྲེལ་པ་མཆོད་ཕྱིར།། སངས་རྒྱས་མི་འབྱུང་ཤིན་ཏུ་གོལ།། རུས་སྦྲུལ་སྤུ་ལ་གོས་བྱེད་འདྲ།། ཕྱི་སྣོད་མི་འགྱུར་བཅུད་འགྱུར་ཟེར།། གཞི་ལ་འབྱུང་བ་མེད་པའི་ཕྱིར།། ཁ་དོག་ལྔ་དང་འོད་ལྔ་ནི།།
91a5 གཞི་མི་ཤེས་ལ་སྣང་བ་ལས།། དོན་ལྡན་ཀུན་ལ་གདོད་ནས་མེད།། དེ་ཡང་འདུས་པའི་སྙིང་པོ་ཉོན།། གཅིག་ལ་ཡོན་ཏན་ཀུན་སྣང་སྟེ།། གང་ཡང་མི་འགལ་ཆོས་སྐུ་ནི།། རང་རང་མཐོང་སྣང་སོ་སོ་ལ།། བཟང་རྟོག
91a6 གཟུགས་སྐུ་རྣམ་གཉིས་འབྱུང་།། ངན་རྟོག་འགྲོ་དྲུག་ལུས་སྣང་བ།། གཞི་ལ་གཉིས་ཀ་མེད་ལས་བྱུང་།། བྱུང་ཡང་ཕན་གནོད་གཉིས་ཀ་མེད།། དེ་ཕྱིར་འཁོར་འདས་མ་རིག་ཆོས།། དེ་ཡང་འདུས་པའི་སྙིང་པོ་ཉོན།།
iiif viewer powered by OpenSeadragon
