| e-texts navigator |
| Wylie |
90b1 སྐུར་ཡོད།། བྱ་དང་མི་བྱའི་རྩོལ་བ་བྲལ།། དེ་དོན་གདེང་ཟིན་རྣལ་འབྱོར་པས།། གང་ལྟར་བྱས་པ་ཐམས་ཅད་ཀུན།། རང་བྱུང་ཆོས་སྐུར་འབྲལ་མེད་ཤེས།། ངེས་དོན་འདི་རྟོགས་རྣལ་འབྱོར་པས།། འཁྲུལ་པ་བྱ
90b2 བའི་མིང་ཡང་མེད།། ཐམས་ཅད་རང་བྱུང་ཆོས་སྐུ་ཉིད།། དེ་ཡང་འཁོར་རྣམས་ལེགས་པར་ཉོན།། ལོག་རྟོགས་སྒྱུ་མའི་སེམས་ཅན་དང་།། ཡེ་ཤེས་སྒྱུ་མའི་སངས་རྒྱས་གཉིས།། དྲང་དོན་བསྟན་པས་སེམས་མ
90b3 རྟོགས།། སེམས་ཅན་སངས་རྒྱས་བཏགས་པ་ཙམ།། གདག་རྒྱུ་གང་ཡང་གཞི་ལ་མེད།། དྲང་དོན་ཆོས་ཀྱིས་བདག་གཞན་ཕུང་།། ཕན་གནོད་མེད་ཕྱིར་དྲང་དོན་རྫུན།། རྡོ་རྗེ་སེམས་དཔས་དེ་སྐད་གསུངས།། སངས
90b4 རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། དུས་ད་ལྟ་ཉིད་དུ་རྟོགས་པར་བསྟན་པའི་ལེའུ་སྟེ་ང་བརྒྱད་པའོ།། །། དེ་ཚེ
90b5 ལྷའི་བུ་སེམས་ལྷག་གིས།། ཡིད་ཀྱི་ཐེ་ཚོམ་བསལ་བའི་ཕྱིར།། རྡོ་རྗེ་སེམས་ལ་དོན་ཞུས་པ།། གཞི་ལ་འབྱུང་བ་མེད་པས་ན།། སངས་རྒྱས་སེམས་ཅན་མེད་པའི་ཕྱིར།། ཟུགས་རྗེ་རྒྱུན་ཆད་འགྲོ་དོན་མེད།། ཆད་དང
90b6 མེད་མི་འགལ་ལམ།། དེ་སྐད་ཞུས་པའི་དོན་གསན་ནས།། རིག་འཛིན་འཁོར་ལ་བཀའ་སྩལ་པ།། ཡེ་ནས་དག་པའི་གཞི་ཉིད་ལ།། དུས་གསུམ་དག་ཏུ་འགྱུར་མེད་པས།། ཆད་པའི་སྐྱོན་དུ་ཅི་ལ་ཆེ།། ཆོས་སྐྲ
iiif viewer powered by OpenSeadragon
