| e-texts navigator |
| Wylie |
8a1 ཆོས་ཀྱི་སྐུ།། རང་ལ་རང་ཆས་ཡེ་གནས་པས།། ལུང་ལྡན་རྐྱེན་གྱིས་རྟོགས་པ་བྱུང་།། རྒྱུ་འབྲས་རྐྱེན་རྣམས་ངས་བཤད་ཉོན།། ངོ་བོ་གནས་ལུགས་ཆོས་སྐུ་དང་།། དེ་ལས་འཁྲུལ་པས་འཁོར་བར
8a2 འཁྱམས།། ལྡོག་ཐབས་སྣོད་བཅུད་ལྡན་པ་ཡིས།། ངེས་པའི་དོན་མཐུན་གདམས་ངག་གིས།། ཐེ་ཚོམ་གེགས་ཆེན་བསལ་བ་དང་།། འབྲས་བུ་ལྷུན་རྫོགས་གདུལ་བྱ་འབྱུང་།། དེ་སྐད་གསུངས་པའི་དོན་ཐོས
8a3 ཏེ།། འཁོར་རྣམས་དགའ་ཞིང་ཡི་རངས་ཏེ།། གུས་པའི་སེམས་ཀྱི་ཆོས་ཉན་ཏོ།། རྫོགས་པ་ཆེན་པོ་ལྟ་བའི་ཡང་སྙིང་།། ནམ་མཁའ་ཀློང་ཡངས་ཀྱི་རྒྱུད་ལས། གསུང་བར་ཞལ་གྱིས་བཞེས་པའི་ལེའུ་སྟེ་གཉིས་པའོ།།
8a4 དེ་ནས་ཀུན་རིག་རྒྱལ་པོ་ཡིས།། དད་ལྡན་འདུས་པའི་འཁོར་རྣམས་ལ།། སེམས་ཀྱི་རྟོག་པ་བསལ་བའི་ཕྱིར།། ཆེད་དུ་བརྗོད་པའི་དོན་གསུངས་པ།། འཁོར་འདས་གཉིས་ཀྱི་གཞིར་གྱུར་པ།། ངོ་བོ་ཉིད་ཀྱི་སྐུ
8a5 མཆོག་ནི།། རང་བྱུང་ཡིན་ཕྱིར་ཐོག་མཐའ་མེད།། འདུས་མ་བྱས་ཀྱི་ནམ་མཁའ་འདྲ།། དེ་ཡང་འདུས་པའི་སྙིང་པོ་ཉོན།། མ་མཚོན་གོ་དང་མ་དཔྱད་པར།། དེ་ཉིད་རྟོགས་པའི་ཀུན་བཟང་ལ།། མྱ་ངན་ཐོག་མཐའ
8a6 དུས་གཅིག་གཅོད།། རི་བོ་ཏ་ལའི་ཉི་ཤར་འདྲ།། ལུང་ལྡན་རྐྱེན་གྱི་གདམས་ངག་གིས།། ཐོག་མའི་གཞི་ཤེས་རྣལ་འབྱོར་པས།། འཁོར་བའི་མཐའ་མ་ཤུགས་ལ་ཆོད།། མུན་པ་ནམ་ལངས་ཉི་ཤར་འདྲ།། སེམས་ཅན
iiif viewer powered by OpenSeadragon
