| e-texts navigator |
| Wylie |
89b1 ཡོད་པ་ངོ་ཤེས་ཕྱིར།། ཆེད་དུ་རྩོལ་བས་བསྒྲུབ་མི་དགོས།། དེ་ཡང་འདུས་པའི་སྙིང་པོ་ཉོན།། རང་བྱུང་རིག་པ་ཆོས་སྐུ་ལ།། དུས་གསུམ་འཁྲུལ་དང་འཕོ་འགྱུར་མེད།། སྟོང་གསུམ་ཞིག་ཀྱང་ཉམ་མི་ང་།། དངོས་མེད
89b2 རང་བྱུང་རིག་པའི་སྐུ།། ཡེ་ཤེས་གཟུགས་ཅན་ཁ་མིག་ཅན།། དེ་ཡི་གཟུགས་བརྙན་གཟུགས་སྐུ་འབྱུང་།། མ་བཙལ་རང་བྱུང་ཆོས་ཀྱི་སྐུ།། ཐབས་ལ་མི་བརྟེན་ཡོན་ཏན་རྫོགས།། སངས་རྒྱས་ཐམས་ཅད་ཀྱི་དགོངས
89b3 པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། སྲིད་པ་བར་དོ་ལ་སྐྱེ་བ་ཕྱིས་མི་ལེན་པར་སངས་རྒྱས་པར་བསྟན་པའི་ལེའུ་སྟེ་ང་དྲུག་པའོ།། །། དེ
89b4 ནས་ཀུན་རིག་སྟོན་པ་ལ།། ལྷ་དབང་བརྒྱ་བྱིན་དོན་ཞུས་པ།། དོན་ཉིད་རྟོགས་པའི་རྣལ་འབྱོར་པས།། ངེས་དོན་མཐར་ཕྱིན་བཀའ་སྩལ་པ།། རྩོལ་སྤྱོད་རྟག་ཏུ་དགོས་མི་དགོས།། ཞུས་པའི་དོན་ལ་བཀའ་སྩལ
89b5 པ།། ཆོས་སྐུ་གདོད་ནས་དག་པ་ལ།། ཆོས་སྤྱོད་བཅུ་ཡིས་སངས་མི་རྒྱ།། མ་བཙལ་ལྷུན་གྱིས་གྲུབ་པ་ལ།། ཡོན་ཏན་བཅུ་ཡིས་བསྒྲུབ་ཏུ་མེད། ཀུན་བཟང་ཆོས་པས་ང་སྔའི་ཕྱིར།། མདོ་རྒྱུད་ཀུན་གྱི་ཕྱི་མོར
89b6 བཤད།། ཐོས་པས་ཤེས་རབ་བསྐྱེད་དུ་མེད།། སངས་རྒྱས་སེམས་ལས་མ་བྱུང་ཕྱིར།། རྒྱུད་ལུང་མན་ངག་གྲོགས་མི་དགོས། ཀུན་གྱི་གཞི་ཉིད་ང་ཉིད་ཡིན།། ང་ལ་དང་པོ་རྒྱུ་མེད་པས།། ཐ་མ་རྐྱེན་གྱིས་གཞིག་ཏུ
iiif viewer powered by OpenSeadragon
