| e-texts navigator |
| Wylie |
89a1 བསྟན་ནས།། ཏིང་འཛིན་བརྟན་པར་མ་གྱུར་ཀྱང་།། སྔ་ཕྱི་མི་རྟོག་ཙམ་བསྒོམ་ལ།། ཚེ་འཕོས་མི་ལུས་གཅིག་ཐོབ་ནས།། འཁོར་བར་མི་ལྡོག་བདེན་པ་མཐོང་།། དེ་བས་མི་གཡོ་གཏན་གོམས
89a2 ན།། ལུས་ཀྱི་འབྱུང་བ་ཞིག་པའི་དུས།། ལྷ་ཡི་རིག་འཛིན་མངོན་ཐོབ་ནས།། དུས་དེ་ཉིད་དུ་མངོན་སངས་རྒྱས།། དེ་ཡང་འདུས་པའི་སྙིང་པོ་ཉོན།། ཐིག་ལེ་ཉག་གཅིག་མངོན་རྟོགས་པའི།། རྣམ་སྨིན་ལུས་དང་མ
89a3 བྲལ་བར།། ཐོག་མ་མེད་པར་སངས་རྒྱས་ཚེ།། སྐད་ཅིག་ཙམ་ལ་མ་རིག་སངས།། ལུས་མེད་རིག་པ་ཡེ་ཤེས་རྒྱས།། རང་བྱུང་ཐུགས་ལ་སྐྱེ་ཤི་མེད།། ཐམས་ཅད་མཁྱེན་པའི་ཡེ་ཤེས་ལྡན།། ནམ་མཁའ་ཉི་མའི་སྙིང
89a4 པོ་འདྲ།། དེ་ཡང་འདུས་པའི་སྙིང་པོ་ཉོན།། ཡེ་ནས་དག་པའི་གཞི་ཉིད་ནི།། ཆོས་སྐུར་ངོ་སྤྱོད་དོན་ཤེས་ན།། ཆོས་སྐུ་གཟུགས་སྐུ་རྣམ་པ་གཉིས།། སོ་སོར་སྣང་བ་མ་ཡིན་ཏེ།། ཆོས་ཀྱི་སྐུ་ལས་གཟུགས་སྐུ
89a5 འཆར།། དཔེར་ན་སྣུམ་དང་མར་བཞིན་ནོ།། རིན་ཆེན་ལུས་ནང་ཆོས་སྐུ་ལ།། སྣང་བ་གཟུགས་མེད་ལོངས་སྤྱོད་སྐུ།། སྣང་དག་ས་བཅུའི་སེམས་དཔས་མཐོང་།། ལས་དག་ལྷ་མི་ཀུན་སྣང་ལ།། གཟུགས་ཅན་ཐུབ
89a6 དྲུག་སྦྲུལ་སྐུར་མཐོང་།། གཅིག་ལ་གཅིག་ཚང་ཡེ་ནས་ཡོད།། གསེར་དང་སེར་པོ་ཇི་བཞིན་ནོ།། དེ་ཡང་རྡོ་རྗེ་སེམས་དཔའ་ཉོན།། ཡེ་ཤེས་ལུས་ཅན་སངས་རྒྱས་ལ།། སེམས་ཅན་མེད་ཕྱིར་དོར་མི་དགོས།། རང་ལ
iiif viewer powered by OpenSeadragon
