| e-texts navigator |
| Wylie |
88a1 དྲན་པས་བག་ཉལ་མེད།། དེ་ཤེས་རང་བྱུང་ཀློང་ཟིམ་ཡིན།། དེ་ཡང་འདུས་པའི་སྙིང་པོ་ཉོན།། རྨི་ལམ་བཟང་ངན་སྤྲིན་བཞིན་དུ།། ཆོས་ཉིད་སྟོང་པའི་ངང་དུ་སངས།། བརྗེད་དྲན་ནོར་ནི་རྙེད་པ
88a2 འདྲ།། དེ་ཡང་འདུས་པའི་སྙིང་པོ་ཉོན།། མ་ཡི་མངལ་དུ་གནས་དུས་ན།། འཆི་ཀར་དྲན་པ་མུན་སོང་དང་།། བརྒྱལ་དང་མ་དྲན་བརྗེད་པའི་དུས།། གདམས་ངག་དྲན་པ་མེད་ཀྱང་ནི།། གཞན་གྱི་བར་ནི་མཆོད
88a3 པར།། དེ་ཚེ་དྲན་རྙེད་ལྷག་མཐོང་ཤར།། དེ་ལྟར་ཉམས་སུ་མྱོང་བའི་ཕྱིར།། བར་དོར་མངོན་སངས་རྒྱས་པར་ངེས།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན།
88a4 པོ་ཆེ་ཡོན་ཏན་ཀུན་འབྱུང་གི་རྒྱུད་ལས། གཉིད་ཡེ་ཤེས་ཀློང་ཐིམ་དུ་བསྟན་པའི་ལེའུ་སྟེ་ང་བཞི་པའོ།། །། ཀུན་རིག་སྟོན་པས་ཡང་གསུངས་པ།། གཏི་མུག་རང་གྲོལ་རྐྱེན་ཐུབ་པས།། མ་རིག་ཤེས་བཞིན་ལུང
88a5 མ་བསྟན།། གང་ཡང་མི་སེམས་གཏི་མུག་སེམས།། ལུང་ལྡན་སྒྲོན་མའི་དོན་བསྟན་པས།། རང་རིག་ཆོས་སྐུ་ཡིད་ལ་ཤར།། གཞི་དང་ཕྲད་པས་མུན་པ་བརླག། འབྲས་བུ་ཆོས་སྐུ་ཐམས་ཅད་མཁྱེན།། དེ་ཡང་རྡོ་རྗེ
88a6 སེམས་དཔའ་ཉོན།། ཞེ་སྡང་རང་གྲོལ་རྐྱེན་ཐུབ་པས།། ཡུལ་ངན་ཁ་དོག་སྨྲ་བ་ལ།། ཞེ་སྡང་སེམས་འཁྲུགས་བཟོད་པ་ཉམས།། མི་བསམ་ཡུལ་གྱི་རྗེས་མི་བཅད།། དེ་དུས་རྟག་ཆད་མཐའ་བྲལ་ཉམས།། རང་གཞན
iiif viewer powered by OpenSeadragon
