| e-texts navigator |
| Wylie |
87a1 སྙོམས་ཤེས་ཤིང་རྐྱེན་ཐུབ་པ།། ལེ་ལོ་སྙོམས་ལས་ལུང་མ་བསྟན།། བཏང་སྙོམས་མུན་པས་རང་རིག་བསྒྲིབས།། ཤན་ཕྱེད་ངོས་ཟིན་ཡིད་ཆེས་ལ།། རང་རིག་འབྲེལ་མེད་ཉམས་དང་ལྡན།། མ་རིག
87a2 མེད་ཕྱིར་བཏང་སྙོམས་མེད།། ལྷག་མཐོང་འབྲས་བུ་བདེ་བ་མཐོང་།། དེ་ཡང་འདུས་པའི་སྙིང་པོ་ཉོན།། ཀུན་གཞི་ལུང་མ་བསྟན་པ་ཡིས།། བསྒྲིབས་པ་ལུང་མ་བསྟན་པའི་ཕྱིར།། དང་པོ་ཡིད་ཙམ་བསྒྲིབས་པ
87a3 ཡིས།། མ་རིག་རྒྱུ་ལས་ལུས་བསྐྱེད་པས།། བརྒྱལ་དང་མངལ་དུ་ཆགས་ཙམ་ན།། བརྗེད་དང་མ་དྲན་ཧད་དེ་བ།། དྲན་མེད་དྲུག་གིས་ལུང་མ་བསྟན།། དྲན་མེད་ལུང་ལས་མ་གཡོས་པའི།། ངེས་དོན་གདམས་ངག
87a4 སྔོན་བསྟན་ནས།། ལུང་མ་བསྟན་པར་རང་སྟོང་ནས།། གཞི་ཉིད་དོན་ཕྲད་ཆོས་ཀྱི་སྐུ།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང
87a5 གི་རྒྱུད་ལས། བཏང་སྙོམས་ལྷག་མཐོང་རིག་པ་རྐྱེན་ཐུབ་པར་བསྟན་པའི་ལེའུ་སྟེ་ང་གསུམ་པའོ།། །། དེ་ནས་འདུས་པའི་ཚོགས་རྣམས་ལ། ཀུན་རིག་སྟོན་པས་བཀའ་སྩལ་པ།། གཉིད་ཀྱི་རྣམ་གྲངས་དབྱེ
87a6 བ་ནི།། དགེ་སྡིག་ལུང་མ་བསྟན་པའི་གཉིད།། བག་ཆགས་བཟང་ངན་གཉིས་ལས་བྱུང་།། དང་པོ་ལུང་མ་བསྟན་པའི་གཉིད།། རྨི་ལམ་མེད་པའི་ལམ་མེད་པ།། དེ་ལ་དགེ་སྡིག་རྨི་ལམ་བྱུང་།། བག་ཆགས་མཚམས
iiif viewer powered by OpenSeadragon
