| e-texts navigator |
| Wylie |
86b1 བཞི་བརྒྱ་རྩ་གཅིག་ལས།། ཡེ་འདྲོག་ཁོད་པ་རྣམ་གསུམ་ཡིན།། གང་ན་ལྷག་མཐོང་དོན་གྱིས་ཟིན།། དེ་ཚེ་མཐའ་བྲལ་ཆོས་སྐུར་མྱོང་།། ལུས་དང་ན་ཚ་གཞི་ལ་མེད།། སྡུག་བསྔལ་དེ་ཉིད་སྦྲུལ་སྐུར་ཤར།། དེ་ཡང
86b2 འདུས་པའི་སྙིང་པོ་ཉོན།། སེམས་ཀྱི་སྡུག་བསྔལ་རྐྱེན་ཐུབ་པས།། ཆགས་སྡང་རྣམ་གཉིས་ཡིན་པའི་ཕྱིར།། བྱམས་སྡང་གཞི་ལ་དམ་པར་ཞེན།། མི་གཞིག་མི་བསམ་དྲན་པས་ཟིན།། གང་ལ་ཞེན་འཛིན་བདེ་ཟིན
86b3 ཉམས།། དེ་ཉིད་བསམ་པ་གཞི་ལ་མེད།། དེ་ཚེ་སྡུག་བསྔལ་བདེ་བར་ཤར།། དེ་ཡང་འདུས་པའི་སྙིང་པོ་ཉོན།། ཕྱི་ཡི་སྡུག་བསྔལ་རྣམ་བཞི་ཡང་།། མ་རིག་རྐྱེན་བཞིས་བསྐྱེད་པའི་རྒྱུ།། ཉོན་མོངས་བག་ཆགས
86b4 བསགས་པས་གོལ།། སྔ་ཕྱི་མེད་ཤེས་གདམས་ངག་གིས།། ཆོས་ཉིད་གཞི་ལྡན་ཉམས་སུ་མྱོང་།། གཞི་ལ་སྔ་ཕྱི་དོན་ལ་མེད།། དེ་ཕྱིར་འབྲས་བུ་ཆོས་ཀྱི་སྐུ།། དེ་ཡང་འདུས་པའི་སྙིང་པོ་ཉོན།། སྡུག་བསྔལ་ཉིད་དང
86b5 བདེ་བའི་ཀློང་།། དོན་ལ་ཡེ་ཤེས་འབྲལ་བ་མེད།། ད་ལྟའི་རིག་པ་འདི་ཉིད་ཡིན།། དེ་ཕྱིར་སྡུག་བསྔལ་བདེ་བའི་ངང་།། དེ་ལ་ཞེན་མེད་ཡེ་ཤེས་སྐུ།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས
86b6 པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། སྡུག་བསྔལ་ཞི་བྱེད་ཆོས་སྐུར་རྐྱེན་ཐུབ་པར་བསྟན་པའི་ལེའུ་སྟེ་ང་གཉིས་པའོ།། །། དེ་ཡང་འདུས་པའི་སྙིང་པོ་ཉོན།། བཏང
iiif viewer powered by OpenSeadragon
