| e-texts navigator |
| Wylie |
85b1 པར།། ཕྱོགས་མེད་པ་ལ་ཆོས་སྐུ་གསལ།། བྱེད་རྨུགས་བྱ་བའི་མིང་ཡང་མེད།། དངོས་པོ་མེད་པའི་གསལ་དོན་གྱིས།། བཏང་སྙོམས་ལྡེང་པོའི་མུན་པ་མེད།། འཇིག་རྟེན་ཆོས་ཀྱིས་ཡེངས་པ་མེད།། ཆོས་ཉིད་དོན་ལ
85b2 མ་ཡེངས་མཆོག། དེ་ཕྱིར་དོན་གྱི་གདེང་ལྡན་དགོས།། དེ་ཡང་འདུས་པའི་སྙིང་པོ་ཉོན།། གང་གི་མནོ་བསམ་མ་བཏང་བར།། དེ་ཉིད་ཆོས་ཉིད་ཡིན་ཤེས་ན།། གོལ་སྒྲིབ་སྡུག་བསྔལ་འབྱུང་མི་སྲིད།། ཆེ་ཆུང་གཉེན
85b3 པོ་བསྒོམ་མི་དགོས།། ད་ལྟའི་ཤེས་པ་འདི་ཉིད་ལས།། དོན་གྱི་གནས་ལུགས་གཅིག་ཤེས་ན།། རྒྱུད་དག་རང་བྱུང་ཆོས་ཀྱི་སྐུ།། ཐ་མ་རང་རིག་དུས་དེར་སངས།། ཐམས་ཅད་མཁྱེན་པའི་ཡེ་ཤེས་རྒྱས།། སངས
85b4 རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། གནས་ལུགས་དོན་གྱི་ཉམས་མྱོང་བསྟན་པའི་ལེའུ་སྟེ་ལྔ་བཅུ
85b5 པའོ།། ། ཀུན་རིག་རྒྱལ་པོས་བཀའ་སྩལ་པ།། དེ་ལྟར་མ་རྟོགས་བློ་དམན་གྱིས།། རྒྱུན་དུ་འབྲལ་མེད་བྱ་བའི་ཕྱིར།། དོན་ཟིན་སྤྱོད་པ་རྐྱེན་ཐུབ་པས།། རྒྱུ་དང་གོལ་ས་གདམས་ངག་དང་།། ཉམས་མྱོང་ལ
85b6 བཟླ་བལྟ་བ་སྟེ།། རེ་རེ་ལ་ནི་དྲུག་དྲུག་ཏུ།། ཕྱེ་ལ་བསྟན་གྱི་ཡིད་ཀྱིས་ཉོན།། དེ་ཡང་རྡོ་རྗེ་སེམས་དཔའ་ཉོན།། བདེ་བ་ཡེ་ཤེས་རྣམ་གསུམ་གྱིས།། ནང་གི་བདེ་བ་རྐྱེན་ཐུབ་པས།། བལྟ་མེད་ཞི་གནས་འགོག་པ
iiif viewer powered by OpenSeadragon
