| e-texts navigator |
| Wylie |
85a1 རིག་པས།། མ་རིག་མུན་པ་གདོད་ནས་དག། རང་རིག་ཤེས་པ་གཉུག་མ་འདི།། རྒྱུ་དང་རྐྱེན་ལས་མ་བསྐྱེད་ཕྱིར།། འདུས་བྱས་ཆོས་ལ་རག་མ་ལུས།། ངེས་ལུང་བཀའ་ཡི་དགོངས་པ་འདིས།། མ་ནོར
85a2 མ་བཅོས་དོན་གོའི་ཕྱིར།། ཚུལ་འཆོས་སྤྱོད་པ་བྱ་མི་དགོས།། དེ་ཡང་འདུས་པའི་སྙིང་པོ་ཉོན།། ཡེ་ནས་གནས་པའི་གཞི་ཤེས་པས།། ཇི་བཞིན་དོན་ལ་རང་གསལ་བས།། སྣང་བའི་སྒྲོན་མ་འདེགས་མི་དགོས།། ནམ
85a3 མཁའ་དང་ནི་དུས་མཉམ་ཕྱིར།། མ་སྐྱེས་མི་ནུབ་རང་འབྱུང་ཕྱིར།། གཞན་ནས་བཙལ་དུ་རྡུལ་ཙམ་མེད།། དེ་ཡང་འདུས་པའི་སྙིང་པོ་ཉོན།། ཡེ་ནས་གནས་པའི་གཞི་ཤེས་པས།། ཀུན་ཁྱབ་ཡེ་ནས་ཆོས་སྐུ་ལ།། འཕོ
85a4 འགྱུར་བྱ་བ་རྡུལ་ཙམ་མེད།། དེ་ཕྱིར་གཞི་ངེས་ཆོས་སྐུ་ལ།། ཚིག་གི་ཐ་སྙད་བསླབ་མི་དགོས།། བལྟ་རུ་མེད་པའི་རིག་པ་ལ།། མདོག་དབྱིབས་སུ་ནི་མཐོང་བ་མེད།། གལ་ཏེ་ཡོད་ན་འཁྲུལ་པ་ཡིན།། བསམ་དུ་མེད
85a5 འི་ཆོས་ཉིད་ལ།། རྟོག་དཔྱོད་བྱེད་ན་མ་རིག་སེམས།། བསྟན་དུ་ཡོད་ན་མཚོན་པ་དཀའ།། རྟག་ཆད་ཡེ་ནས་མེད་པ་ལ།། མཐའ་རུ་ལྟུང་བ་ཡོད་མི་སྲིད།། དེ་ཕྱིར་སྤྲོས་བྲལ་མཐའ་དབུས་མེད།། དེ་ཡང་འདུས་པའི
85a6 སྙིང་པོ་ཉོན།། ཡང་དག་མ་ནོར་དགོངས་པ་ནི།། ཞེ་ལ་འདོད་པ་ཁར་མི་ཐོན།། རང་གི་ཉམས་ལ་གསལ་བ་ལས།། ཚིག་གི་མཚོན་དུ་སྨྲར་མི་ཤེས།། དེ་ཕྱིར་བརྗོད་དུ་མེད་ཅེས་བྱ།། སུས་ཀྱང་མ་བྱས་མ་བཅོས
iiif viewer powered by OpenSeadragon
