| e-texts navigator |
| Wylie |
84a1 དགོས།། དེ་ལྟར་རྟོགས་པའི་དད་ལྡན་གྱིས།། མ་བསྒོམས་གང་དགར་བཞག་གྱུར་ཀྱང་།། ཡུལ་དང་གོལ་ས་ཆོད་པའི་ཕྱིར།། ཐ་མལ་གོལ་ས་འབྱུང་མི་སྲིད།། དེ་ཡང་འདུས་པའི་སྙིང་པོ་ཉོན།། དེ
84a2 ལས་ལྷག་པའི་བོགས་འདོན་ནི།། རེ་བ་ཡོད་ཕྱིར་གཞི་མི་ཤེས།། དེ་ཕྱིར་བོགས་འདོན་ཐམས་ཅད་ནོར།། ཡུལ་མེད་རང་གསལ་བསྒོམ་མི་དགོས།། དེ་དོན་ངེས་པར་དོན་གོ་ན།། གཞི་ལས་ལྷག་པ་རྡུལ་ཙམ
84a3 མེད།། དེ་ཕྱིར་བྱ་བཙལ་ཡེ་བྲལ་བས།། གང་ལྟར་བྱས་ཀྱང་ཆོས་སྐུར་རྟོགས།། དེ་ལས་ལྷག་པའི་ཆོས་གཞན་མེད།། དེ་ཕྱིར་ཚེགས་མེད་དོན་པོ་ཆེ།། དེ་ཡང་འདུས་པའི་སྙིང་པོ་ཉོན།། རང་བྱུང་ཡེ་ཤེས་གཞི་ཉིད
84a4 ནི།། ད་ལྟའི་རིག་པ་འདི་ཤེས་པས།། གཞན་ནས་བཙལ་དུ་རྡུལ་ཙམ་མེད།། རེ་དོགས་མེད་ཕྱིར་གཞི་དང་བྲལ།། འགྱུར་བ་མེད་པས་ཀུན་གྱི་གཞི།། དེ་རྟོགས་སངས་རྒྱས་ཀུན་དང་བྲལ།། དེ་ཡང་འདུས་པའི་སྙིང་པོ
84a5 ཉོན།། སངས་རྒྱས་དགོངས་པ་ཐམས་ཅད་ནི།། ད་ལྟའི་དུས་འདིར་དོན་གོ་བས།། ཕྱི་མར་དགེ་བའི་སྟེགས་མི་དགོས།། དེ་ཕྱིར་དགོངས་པའི་འདུ་ཤེས་མེད།། ཉམ་ང་ཡིད་གཉིས་རྟག་བྲལ་བས།། རུང་དང་མི་རུང་ཐ
84a6 སྙད་བྲལ།། དེ་ཕྱིར་ཀུན་བཟང་ཐུགས་དང་མཉམ།། དེ་ཡང་འདུས་པའི་སྙིང་པོ་ཉོན།། རྒྱུད་ལུང་མན་ངག་ལྟ་སྒོམ་དེ།། རིག་མེད་འབྱུང་བ་རྣམ་ལྔ་ཡང་།། སྨྲེ་འདྲེའི་ལུང་གིས་ལོག་བསྟན་པས།། རང་འཁྲུལ་སེམས
iiif viewer powered by OpenSeadragon
