| e-texts navigator |
| Wylie |
83b1 ཟད།། ཚིག་གི་ན་ཡམ་བྲིས་མི་ཟིན།། འཇིག་རྟེན་གཏམ་ལ་ཟད་པ་མེད།། ངེས་པ་དོན་གྱི་རིག་པ་ནི།། རིགས་དང་བཤལ་དང་འོས་པ་དང་།། འཐད་དང་མ་ནོར་དོན་དང་ལྡན།། ངེས་དོན་བཀའ་ནི་ཡིད་ཆེས
83b2 ཁུངས།། རིག་པ་ཉམས་མྱོང་གདེང་གིས་ཟིན།། ལུང་རིགས་གཉིས་འཇོམས་རྟོགས་པས་ཆོག། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན
83b3 འབྱུང་གི་རྒྱུད་ལས། མཐའ་དབུས་མེད་པའི་ཉམས་བསྟན་པའི་ལེའུ་སྟེ་ཞེ་བརྒྱད་པའོ།། །། དེ་ནས་འདུས་པའི་སྙིང་པོ་ལ།། ཀུན་རིག་སྟོན་པ་ཆོས་རྗེ་ཡིས།། མ་བསྒོམས་གོལ་མེད་བཀའ་སྩལ་པ།། ལུང་ལྡན
83b4 ངེས་པའི་གདམས་ངག་གིས།། ད་ལྟའི་ཤེས་པ་འདི་ཉིད་ལ།། གང་ཡང་མ་བསམས་མ་དཔྱད་པ།། དོན་གྱི་གནས་ལུགས་ཆོས་སྐུ་ནི།། ཡེ་ནས་གནས་པའི་གཞི་ཉིད་ལ།། འདི་ཡིན་རྩེ་གཅིག་མི་བསྒོམ་པས།། མ
83b5 བསྒོམས་རང་ཡན་བཞག་གྱུར་ཀྱང་།། ལྟ་བའི་གདེང་གིས་ཟིན་པའི་ཕྱིར།། རང་སེམས་འཁྲུལ་པར་གོལ་མི་སྲིད།། དེ་ཡང་འདུས་པའི་སྙིང་པོ་ཉོན།། ངོ་སྤྲོད་རང་ཤར་རྐྱེན་ཐུབ་ཀྱང་།། ངེས་པར་གཞི་དང་གཅིག
83b6 ཤེས་ན།། རང་སེམས་སྙིང་པོ་རྟོགས་པའི་ཕྱིར།། དེ་ལ་ཆེད་དུ་བསྒོམ་མི་དགོས།། ཡོད་མེད་ལ་སོགས་གང་རུང་གི།། མཐའ་རྣམས་ཆོས་ཉིད་ཡིན་ཤེས་ན།། མ་ཞེན་བློ་ལ་བརྟེན་དུ་མེད།། ཞེན་པ་དགག་ཅིང་སྤང་མི
iiif viewer powered by OpenSeadragon
