| e-texts navigator |
| Wylie |
82b1 ངོ་སྤྱོད་རང་ཤར་རྣམ་པ་གཉིས།། རྩ་བ་བཞི་ཤེས་ཆོས་སྐུར་གཅིག། དེ་དྲུག་དབྱེ་བས་གོལ་ས་ཆོད།། སངས་རྒྱས་ཐུགས་དང་རྣལ་འབྱོར་སེམས།། གཅིག་ཏུ་ཤེས་པས་གཉིས་སུ་མེད།། ཀུན་བརྟགས་མ་རིག་གཏན
82b2 སྟོང་ཕྱིར།། ཉམ་པ་མེད་པས་ལྟུང་མི་སྲིད།། ལུས་དང་མ་བྲལ་བུདྡྷར་འགྱུར།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད
82b3 ལས། ཡེ་ཤེས་རང་ཤར་གྱི་ཡོན་ཏན་བསྟན་པའི་ལེའུ་སྟེ་ཞེ་བདུན་པའོ།། །། དེ་ནས་ཀུན་རིག་སྟོན་པས་ཡིས།། ཡེ་ཤེས་རང་ཤར་རྟོགས་པ་ཡི།། ཉམས་ཀྱི་རིམ་པ་བཀའ་སྩལ་པ།། མཐའ་དབུས་མེད་པའི
82b4 རིག་པ་ཡིས།། བློ་ཡི་གཏིང་གདེང་དེ་རྙེད་ཕྱིར།། མཐའ་ནི་ཡོད་མེད་རྟག་ཆད་དང་།། ཡིན་དང་མིན་དང་དག་མ་དག། ཕྱི་དང་ནང་དང་སྣོད་བཅུད་དང་།། སངས་རྒྱས་དང་ནི་སེམས་ཅན་དང་།། མཐོ་རིས་ངན་སོང
82b5 དགེ་དང་སྡིག། འཁོར་བ་མྱ་ངན་བདེ་དང་སྡུག། བཟང་ངན་ཆེ་ཆུང་མཐོ་དམན་དང་།། བསྒོམ་དང་མ་བསྒོམས་ཞེན་མ་ཞེ་ན།། ཡོན་ཏན་སྐྱོན་དང་འགྲིབ་མི་འགྲིབ།། ཕན་དང་གནོད་པ་ལ་སོགས་པའི།། ཐ་སྙད
82b6 གཉིས་གཉིས་བསྡུས་པ་ཀུན།། མཐའ་བསལ་དབུ་མ་མི་འགྲུབ་པས།། ཕྱོགས་རེའི་ཞེན་པ་གཞི་ལ་མེད།། མ་ཞེན་བློ་ཡི་འཛིན་པ་བྲལ།། དེ་ཕྱིར་ཆོས་དབྱིངས་མཐའ་དབུས་བྲལ།། དེ་ཡང་རྡོ་རྗེ་སེམས་དཔའ
iiif viewer powered by OpenSeadragon
