| e-texts navigator |
| Wylie |
82a1 ནས་དེ་སྐད་གསུངས།། དེ་ཡང་འདུས་པའི་སྙིང་པོ་ཉོན།། དེ་ཕྱིར་ལ་ཟློས་འདི་ཤེས་པས།། གང་ཡང་མ་ཡིན་ཆོས་སྐུར་གསལ།། དེ་ཙམ་ཉིད་ན་དམིགས་འཛིན་མེད།། རང་ཡིན་གང་དགར་ཡེ་ཤེས
82a2 ཤར།། ཉི་ཤར་མུན་གྲིབ་བརླག་པ་འདྲ།། དེ་ཡང་འདུས་པའི་སྙིང་པོ་ཉོན།། གཉེན་པོ་དང་ནི་མི་མཐུན་པ།། སྙིང་རྗེ་ཞེ་སྡང་གཉིས་ཀ་ལ།། ཆོས་ཉིད་ཁྱབ་པར་གཅིག་པའི་ཕྱིར།། བླང་དོར་མེད་པའི་དོན་ཤེས
82a3 ན།། དུག་སྤངས་པ་དང་སྤྱོད་པ་ཀུན།། ཆོད་སྐུ་སྤྱོད་པའི་གདེང་ལྡན་པས།། གང་ལྟར་བྱས་ཀྱང་གཞི་དང་མཐུན།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན
82a4 པོ་ཆེ་ཡོན་ཏན་ཀུན་འབྱུང་གི་རྒྱུད་ལས། ལ་ཟློའི་ཡེ་ཤེས་རང་ཤར་བསྟན་པའི་ལེའུ་སྟེ་ཞེ་དྲུག་པའོ།། །། རང་ཤར་ཡོན་ཏན་བཀའ་སྩལ་པ།། ཕྱི་རྐྱེན་ཡེ་ཤེས་རང་ཤར་བས།། འཇུག་པ་ཀུན་ཏུ་ཚེར་བ
82a5 མེད།། ནང་དུ་གོལ་མེད་རང་ཤར་བས།། མངལ་དུ་མི་འཇུག་ལུས་མི་ལེན།། རང་ཤར་སྐྲོད་པ་ཕྱེ་བ་ཡིན།། རྣམ་རྟོག་ཐམས་ཅད་དུས་གཅིག་ཆོམས།། ལ་ཟློའི་ཡེ་ཤེས་རང་ཤར་བས།། ཕྱི་ཡི་ཀུན་བརྟགས་མ་སྤངས
82a6 དག། དེ་ཡང་འདུས་པའི་སྙིང་པོ་ཉོན།། ཀུན་བརྟགས་དེ་དག་རང་སྟོང་ཕྱིར།། འཁོར་བའི་སྐྱེ་བ་ལེན་མི་སྲིད།། མ་བསླད་རིག་པ་ཆོས་ཀྱི་སྐུ།། དུས་གསུམ་འགྱུར་མེད་རང་བྱུང་ལ།། ཅི་ཡང་མཁྱེན་པ་རང་བྱུང་སྐུ།།
iiif viewer powered by OpenSeadragon
