| e-texts navigator |
| Wylie |
81b1 ཆོཚོད་ཕྱིར།། སྔ་ཕྱི་དུག་ལྔ་གང་སྐྱེས་ཀྱང་།། གཞི་ལ་མེད་ཤེས་ཆོས་སྐུ་ཉིད།། དེ་ཡང་འདུས་པའི་སྙིང་པོ་ཉོན།། གོལ་ས་ཆོས་ཉིད་ལ་བཟླ་བ།། ཡེངས་པ་བསྒོམ་པ་ཡིན་ཤེས་ན།། མ་ཡེངས་མཚམས་བཅད་བསྒོམ་མི
81b2 དགོས།། ཡེངས་དང་མ་ཡེངས་དོན་ལ་མེད།། རང་ཡུལ་སླེབས་ན་འཇིགས་མེད་འདྲ།། རྟོག་པ་ཆོས་ཉིད་ཡིན་ཤེས་ན།། མི་རྟོག་རྩེ་གཅིག་བསྒོམ་མི་དགོས།། རྟོག་པ་རང་སྟོང་ཡེ་ཤེས་ཤར།། གསེར་འགྱུར་རྩི
81b3 ཡིས་ཐེབས་པ་འདྲ།། དུག་ལྔ་ཡེ་ཤེས་ཡིན་ཤེས་ན།། འགྱོད་ཚངས་བཤགས་པ་བྱ་མི་དགོས།། ཉོན་མོངས་ཡེ་ཤེས་རང་སར་དག། དུག་ཉིད་སྨན་དུ་སྦྱོར་ཤེས་འདྲ།། ཞེན་པ་ཆོས་སྐུ་ཡིན་ཤེས་ན།། འཇིག་རྟེན་ཆོས
81b4 བརྒྱད་བྲལ་མི་དགོས།། མ་ཞེན་བློ་ལ་བརྟེན་མི་དགོས།། ནམ་ལངས་ཉི་མ་ཤར་བ་འདྲ།། འཁོར་བ་ཆོས་ཉིད་ཡིན་ཤེས་ན།། མྱ་ངན་འདས་པ་བསྒྲུབ་མི་དགོས།། རེ་དོགས་མེད་པའི་གདེང་ལྡན་ན།། ཤི་བ་མི་ལྡོག
81b5 ཡིད་ཆེས་འདྲ།། སེམས་ཅན་སངས་རྒྱས་ཡིན་ཤེས་ན།། ཚོགས་བསགས་བསྙེན་བསྒྲུབ་བྱ་མི་དགོས།། གཏེར་ཆེན་རྙེད་པས་སོ་ནམ་མི་དགོས་འདྲ།། མ་བསྒོམས་ཆོས་ཉིད་ཡིན་ཤེས་ན།། རྩེ་གཅིག་བསྒོམ་ན་དོན
81b6 དང་བྲལ།། མ་བསྒོམས་ཆོས་སྐུ་གཞི་དང་མཐུན།། དོན་མི་གཉེར་ལ་དགྲ་མེད་འདྲ།། གཉེན་པོ་མི་མཐུན་གྲངས་མང་ཡང་།། རྩ་བ་རང་རིག་ཆོས་སྐུར་གཅིག། དེ་ལས་གཞན་པའི་གདམས་ངག་མེད།། ངེས་དོན་རྒྱུད
iiif viewer powered by OpenSeadragon
