| e-texts navigator |
| Wylie |
81a1 གྱིས་སུ་སྟོན་པ།། ཡུལ་དང་གོལ་ས་ཆོད་པ་ལ།། འདྲེ་མེད་རིག་པ་ཆོས་སྐུར་ཤེས།། གཞི་ལ་ལྷ་འདྲེ་མེད་པའི་ཕྱིར།། ཕན་གནོད་བྱ་བ་རྡུལ་ཙམ་མེད།། དེ་ཡང་འདུས་པའི་སྙིང་པོ་ཉོན།། དེ་དག་ཡེ
81a2 ཤེས་རང་ཤར་བས།། ཀུན་བརྟགས་མེད་ཕྱིར་འདྲེ་ཡང་སྟོངས།། དེ་ཕྱིར་འཁྲུལ་པའི་འདྲེ་འཛིན་ཕྱིར།། རི་བོང་རྭ་ལ་རྟོག་དཔྱོད་འདྲ།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ
81a3 བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། རང་ཤར་སྤྱོད་པའི་དཔེ་བསྟན་པའི་ལེའུ་སྟེ་ཞེ་ལྔ་པའོ།། །། དེ་ནས་ཀུན་རིག་རྒྱལ་པོ་ཡིས།། ལ་བཟླ་ཡེ་ཤེས་རང་ཤར་བ།། འདུས་པའི་འཁོར
81a4 ལ་བཀའ་སྩལ་པ།། དབུལ་པོས་རིན་ཆེན་རྙེད་གྱུར་ན།། སོ་ནམ་མི་དགོས་ཅི་འདོད་འབྱུང་།། དེ་བཞིན་ཆོས་སྐུ་རང་ཤར་ན།། ཆོས་བྱ་མི་དགོས་རྟོགས་པས་ཆོག། དེ་ཡང་རྡོ་རྗེ་སེམས་དཔའ་ཉོན།། ངེས་དོན་རྟོགས
81a5 པའི་རང་བྱུང་ལ།། བསྒོམ་བསྒྲུབ་བྱ་བ་རྡུལ་ཙམ་མེད།། མ་བསྒོམས་ཐ་མལ་གོལ་ས་མེད།། རང་རིག་ཡེ་ཤེས་ཀུན་ཏུ་འཕྱོ།། དེ་ཡང་འདུས་པའི་སྙིང་པོ་ཉོན།། བདེ་སྡུག་གང་གི་རྐྱེན་ཕྲད་ན།། དེ་དུས་ཉིད་ནས་ཆོས
81a6 སྐུར་ཤེས།། བདེ་དང་མི་བདེ་ཐམས་ཅད་ཀུན།། འཁྲུལ་པའི་བློ་ལ་ཡོད་པ་ལས།། རྟོགས་པའི་དོན་ལ་གང་ཡང་མེད།། དེ་ཡང་འདུས་པའི་སྙིང་པོ་ཉོན།། མེ་བསད་དུ་བས་མི་གནོད་ལྟར།། མ་བསྒོམས་བལྟ་བ་ཐག
iiif viewer powered by OpenSeadragon
