| e-texts navigator |
| Wylie |
80b1 ལྔ་ཡིས་མ་བསྲུངས་པའི།། ཕོ་མོ་ཆགས་པ་ཅི་སྤྱོད་ཀྱང་།། དོན་ཟིན་ཉེས་མེད་བདེ་བའི་ལམ།། འཁོར་བ་མི་སྨིན་གོས་པ་མེད།། པདྨ་འདམ་གྱིས་མ་གོས་འདྲ།། ཞེ་སྡང་ཅི་སྤྱོད་སྡུག་བསྔལ་ཡང་།། དགྲ་གཉེན་གཞི
80b2 ལ་མེད་པའི་ཕྱིར།། དེ་ཚེ་ཞེ་སྡང་མཐའ་གསུམ་བྲལ།། སྦྲུལ་གྱི་མདུད་པ་རང་གྲོལ་འདྲ།། དུས་གསུམ་རྩ་བ་ངེས་པའི་ཕྱིར།། དེ་བཞིན་ང་རྒྱལ་ཕྲག་དོག་ཀྱང་།། རང་བྱུང་རང་སྟོང་རང་ཞིའི་ཕྱིར།། བཙོན་ཤོར་རང
80b3 ཡུལ་སླེབས་པ་འདྲ།། དེ་ཡང་འདུས་པའི་སྙིང་པོ་ཉོན།། དེ་ལྟར་རྟོགས་པའི་རྣལ་འབྱོར་པས།། རྐྱེན་བྱས་གཞན་གྱིས་སེམས་དཀྲུགས་ཀྱང་།། ཉེས་པའི་སྐྱོན་གྱིས་མི་གོས་ཏེ།། གཞན་གྱི་ཉོན་མོངས་ཉམས་མྱོང
80b4 ཕྱིར།། གཞན་གྱི་སྡིག་པ་བསགས་གྱུར་ཀྱང་།། རྟོགས་ལྡན་རྣམས་ལ་བསྒྲིབ་མི་ནུས།། ཤེལ་དཀར་གཡའ་ཡིས་མི་གོས་འདྲ།། དེ་ཡང་འདུས་པའི་སྙིང་པོ་ཉོན།། ལུང་རིགས་མི་འགལ་དཀའ་ལས་ནི།། འབོལ་ཞིང
80b5 ཆགས་ཆུང་ཚུལ་འཆོས་པ།། ངེས་པའི་གདམས་ངག་མ་གོ་ན།། མཁས་ཀྱང་རྨོངས་པས་ཐར་མི་ཐོབ།། དེ་ཡང་འདུས་པའི་སྙིང་པོ་ཉོན།། བགེགས་མེད་ཡེ་ཤེས་སྤྱོད་པ་ནི།། རང་གི་རྣམ་རྟོག་ཡོད་ཀྱི་བར།། བགེགས
80b6 ཀྱི་གྲངས་ལ་ཟད་པ་མེད།། དངོས་སུ་མེད་ཕྱིར་འཁྲུལ་པའི་བློ།། དེ་ཡང་འདུས་པའི་སྙིང་པོ་ཉོན།། མུ་སྟེགས་ཅན་ལ་འདྲེ་ཡོད་པས།། འདྲེ་འཛིན་སྐྱེ་བ་མ་རིག་པ།། མོ་མའི་རྫུན་ལ་རེ་བས་བསླུ།། གདེང་ལྡན་ཀུན
iiif viewer powered by OpenSeadragon
