| e-texts navigator |
| Wylie |
80a1 གསུངས།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། ནང་གོལ་མེད་ཡེ་ཤེས་རང་ཤར་བསྟན་པའི་ལེའུ་སྟེ
80a2 ཞེ་བཞི་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན་པས་བཀའ་སྩལ་པ།། གཞི་ཤེས་གཞི་མཐུན་བརྟུལ་ཞུགས་ཅན།། བགེགས་མེད་སྤྱོད་པ་བཤད་ཀྱིས་ཉོན།། གདམས་ངག་མ་ནོར་གཞི
80a3 ཤེས་པས།། ལྟ་བ་ངེས་པའི་གདེང་ལྡན་ཕྱིར།། གང་ཡང་ཆོས་སྐུ་རང་གསལ་བས།། འདུས་མ་བྱས་ཀྱི་ནམ་མཁའ་འདྲ།། དུས་དང་རྣམ་པ་ཐམས་ཅད་དུ།། གོམས་པ་གདེང་དུ་མ་གྱུར་པར།། གདམས་ངག་རྒྱུན་དུ
80a4 དྲན་པར་བྱ།། དྲན་པ་མི་དགོས་རྟག་ཏུ་ནི།། གཞི་དང་མཐུན་པར་བསྟན་ཡོད་ན།། ལྟ་བ་གདེང་གིས་ཟིན་པ་ཡིན།། དེ་ལ་སྒོ་གསུམ་བཅོས་མི་དགོས།། མ་བཅོས་པ་ཡི་ཆོས་ཉིད་ལ།། གང་མཐོང་ཉིད་འཁྲུལ་མེད
80a5 པའི་ཕྱིར།། ཡིད་ལ་གང་དྲན་ཆོས་སྐུར་གཅིག། སྨིག་རྒྱུ་ནམ་མཁར་ཤེས་པ་འདྲ།། བརྟུལ་ཞུགས་མཆོག་གིས་ལ་ཟློས་ན།། མཚམས་མེད་ལྔ་དང་མི་དགེ་བཅུ།། ཆགས་སྡང་ལྔ་ལ་ལོངས་སྤྱོད་ཀྱང་།། བལྟ་བ་རྟོགས
80a6 པའི་གྲོགས་སུ་འགྱུར།། དེ་ཡང་འདུས་པའི་སྙིང་པོ་ཉོན།། ངེས་དོན་གདམས་ངག་ཡོད་པ་ལ།། མ་རིག་གཏི་མུག་མེད་པའི་ཕྱིར།། ཡུལ་མེད་རིག་པ་ཀུན་འཕྱོ་ཡང་།། གང་ལ་ཞེན་མེད་ནམ་མཁའ་འདྲ།། སྲུང་མ
iiif viewer powered by OpenSeadragon
