| e-texts navigator |
| Wylie |
7b1 པའི་དོན་འགྲུབ་ཕྱིར།། མ་བརྟགས་རང་འདོད་ཆོས་མི་འཆད།། རྫོགས་པ་ཆེན་པོ་ལྟ་བ་ཐམས་ཅད་ཀྱི་ཡང་སྙིང་། སངས་རྒྱས་ཐམས་ཅད་ཀྱི་དགོངས་པ། ནམ་མཁའ་ཀློང་ཡངས་ཀྱི་རྒྱུད་ལས། བསྟན་པ་འབྱུང་བའི
7b2 རྒྱུ་གླེང་གཞི་བསྟན་པའི་ལེའུ་སྟེ་དང་པོའོ།། །། དེ་ནས་འདུས་པའི་འཁོར་རྣམས་ལ།། ཞལ་གྱིས་བཞེས་ཏེ་བཀའ་སྩལ་པ།། རྒྱུད་ལུང་མན་ངག་ཡུལ་ལ་བལྟ།། དེ་ཕྱིར་མ་ནོར་ཆོས་སྐུ་མིན།། སེམས
7b3 ཡིན་ཟེར་ཞིང་སྣང་བར་འཆེལ།། སེམས་དང་འབྲེལ་མེད་བརྗོད་བྱས་ཀྱང་།། གླང་པོ་ཕག་དང་འདྲ་བ་བཞིན།། འབྲེལ་མེད་དོན་ནི་རྟོགས་བྱའི་ཕྱིར།། དེ་ཕྱིར་ཡུལ་འདི་སེམས་འདྲ་ཡང་།། སྣང་བ་ཆོས་སྐུར་འབྲེལ
7b4 མེད་པས།། གཞི་ཉིད་རང་སེམས་རྟོགས་པར་བྱ།། དེ་ཡང་རྡོ་རྗེ་སེམས་དཔའ་ཉོན།། ཡུལ་གྱི་སྣང་བ་འདི་ཉིད་ལ།། མཐའ་ཡས་མིང་དུ་བཏགས་པ་ཡིན།། ཡོད་མཐོང་སྣང་གྲགས་ཆོས་རྣམས་ཀུན།། བླ་དྭགས་ཙམ
7b5 དུ་བཏགས་པར་ཟད།། དེ་ལ་དངོས་གཞི་ག་ལ་ཡོད།། མེད་པ་ཉིད་ན་ཡོད་རྟོག་པ།། འཁྲུལ་པ་རྣམས་ཀྱི་ཤེས་པ་ལ།། སངས་རྒྱས་རྣམས་ཀྱིས་མི་མཁྱེན་ཕྱིར།། ཕྱི་རོལ་ཡུལ་ལ་དོན་མི་བཞག། དེ་ཕྱིར་འཁོར་འདས
7b6 འབྱུང་བ་ཀུན།། གློ་བུར་ཡིན་ཕྱིར་གནས་ལུགས་མིན།། དེ་ཕྱིར་འདུས་པའི་སྙིང་པོ་ཉོན།། ང་ཡི་གསུང་གི་འོད་ཟེར་གྱིས།། མ་རིག་སེམས་ཀྱི་མུན་ཁུང་དུ།། སྒྲོན་མའི་སྣང་བ་ཉི་བཞིན་འཆར།། ཡུལ་དང་མ་འབྲེལ
iiif viewer powered by OpenSeadragon
