| e-texts navigator |
| Wylie |
7a1 ནམས་འཕེལ།། དེ་ཚེ་མུ་སྟེགས་ཉན་ཐོས་སོགས།། རང་རང་བརྐམ་ཆགས་རྩོད་འགྱུར་ནས།། གཡུལ་འགྱེད་བྱེད་ཅིང་རུ་ཏྲ་འདྲ།། རིམས་ནད་སྣ་ཚོགས་བཀྲ་མི་ཤིས།། ཡོན་བདག་རྣམས་ནི་དད་པ
7a2 ལྡོག། འོག་མའི་བསྟན་པ་འཇིག་པའི་རྟགས།། ཕྱི་མ་ངན་སོང་སྨོས་ཅི་དགོས།། དེ་ཡང་འདུས་པའི་སྙིང་པོ་ཉོན།། དེ་ལྟ་བུ་ཡི་དུས་བྱུང་ཚེ།། གལ་ཏེ་ཚོགས་ལ་ཆོས་འཆད་ན།། ཉམས་དང་ལྐུགས་པ་ཞེ་འཁོན
7a3 རྣམས།། ཡོད་མེད་གཤེར་ལ་བཤགས་སུ་བཞུགས།། དེ་མི་ནུས་པར་ཆོས་མི་འཆད།། དཔེར་ན་ལྡུམ་རར་དུག་སྐྱེས་ན།། བདག་པོས་དུག་ཏུ་ཤེས་མ་ཐག། རྩད་ནས་ཕྱུང་སྟེ་མེད་པར་བྱེད།། དེ་བཞིན་དམ་ཉམས་མི
7a4 མཐོང་ན།། གང་ཡིན་ཚོགས་ལས་བཀར་ལ་བཏང་།། ལྟ་བཤགས་ཆེད་དུ་ཡིད་ལ་བྱ།། དེ་ལྟར་མ་ཡིན་ཕྱལ་བཞག་ན།། རྟེན་མེད་མ་ཐུག་སྲོག་གཅོད་བཞིན།། ཉམས་གྲིབ་སྐྱོན་གྱིས་ན་ཚ་འབྱུང་།། མཁའ་འགྲོས
7a5 ཆད་པ་རིམས་གྱིས་གཅོད།། དེ་ཡང་འདུས་པའི་སྙིང་པོ་ཉོན།། གལ་ཏེ་དད་པས་གདུང་སེམས་ཀྱིས།། དམ་ཚིག་ཉམས་པའི་སྐྱོན་འགྱོད་ནས།། བསྐང་བཤགས་གཡོ་སྒྱུ་མི་བྱེད་པ།། གསེར་དངུལ་ཆག་བཅོས་ཕྱིར
7a6 ལེགས་བཞིན།། དོན་ལ་བརྩོན་འགྲུས་ཤིན་ཏུ་ཆེ།། དེ་ནི་སྣོད་ཀྱི་དམ་པའི་མཆོག། མན་ངག་ཡང་སྙིང་རྫོགས་པར་བསྟན།། དེ་དོན་ཤིན་ཏུ་བཙལ་དཀའི་ཕྱིར།། སྣོད་ལ་བརྟག་པ་ཤིན་ཏུ་གཅེས།། བཀའ་དང་མཐུན
iiif viewer powered by OpenSeadragon
