| e-texts navigator |
| Wylie |
79b1 ནས་འདུས་པའི་སྙིང་པོ་ཉོན།། ནང་གི་ཡེ་ཤེས་རང་ཤར་དོན།། གཞན་དུ་གོལ་མེད་ཆོས་སྐུ་ནི།། ལྷ་སྒོམ་སྤྱོད་པའི་འབྲས་བུ་ཡིས།། གོལ་ས་མེད་པར་དོན་བརྒྱད་ལྡན།། འབྲལ་མེད་ཆོས་སྐུ་ཉམས་སུ་མྱོང་།། སེང
79b2 གེའི་འོ་མ་འཐུང་བ་བཞིན།། དེ་ཡང་འདུས་པའི་སྙིང་པོ་ཉོན།། རྟག་པར་མ་སོང་དངོས་པོ་མེད།། ཆད་པར་མ་སོང་རྒྱུན་མི་ཆད།། བྱིང་བར་མ་བསྒྲིབས་ཤེས་པ་གསལ།། རྒོད་པར་མི་འཕྲོ་དྲན་མི་རྒྱུ།། བླང་དུ་མེད
79b3 པས་འདོད་པ་སྟོར།། དོར་དུ་མེད་པས་རྩོལ་བ་བྲལ།། སྤང་དུ་མེད་པས་གང་ཡང་ཡིན།། ཐོབ་ཏུ་མེད་པས་རེ་བ་མེད།། དེ་ཡང་འདུས་པའི་སྙིང་པོ་ཉོན།། ཆོས་སྐུ་རྟག་པས་གཞི་དང་མཐུན།། མ་རིག་ཆད་པས་འཁོར
79b4 བ་སྟོངས།། རྣམ་རྟོག་བྱིང་བས་བག་ཆགས་བརླག། ཆོས་ཉིད་འཕྲོ་བས་ཐམས་ཅད་མཁྱེན།། དེ་ཡང་འདུས་པའི་སྙིང་པོ་ཉོན།། གདམས་ངག་བླང་བས་རང་སེམས་རྟོགས།། ཉོན་མོངས་དོར་བས་སྒྲིབ་པ
79b5 དག། ཉམས་སུ་བླངས་པས་བདེན་པ་མཐོང་།། གོལ་ས་བཅད་པས་ཆོས་སྐུ་རྙེད།། མན་ངག་ཐོབ་པས་སངས་རྒྱས་འབྱུང་།། དེ་ཡང་འདུས་པའི་སྙིང་པོ་ཉོན།། སེང་གེའི་འོ་མ་གང་འཐུང་བ།། མེ་ཆུ་དུག་མཚོན་ལ
79b6 སོགས་པའི།། གནོད་པ་གང་གིས་མི་ཚུགས་ལྟར།། དེ་ཡི་ཡོན་ཏན་བརྒྱད་ལྡན་ལ།། གོ་ལ་སྒྲིབ་སྐྱོན་གྱིས་མི་གོས་ཏེ།། མི་ཡི་ལུས་ལ་བུདྡྷའི་ཐུགས།། ཕྱི་མ་མ་ཡིན་ད་ལྟ་ཉིད།། ངེས་དོན་བཀའ་ལས་དེ་སྐད
iiif viewer powered by OpenSeadragon
