| e-texts navigator |
| Wylie |
79a1 འཁྲུལ་ཤེས་པ་ལ།། ཚོར་བ་བདེ་སྡུག་གང་ཡང་རུང་།། ཉམས་སུ་མྱོང་ཙམ་ཉིད་ནས་ནི།། ལུས་དང་འབྲེལ་མེད་ཤེས་པའི་ཕྱིར།། ཅི་སྤྱོད་ཡེ་ཤེས་ཆེན་པོར་ཤར།། དེ་ཡང་འདུས་པའི་སྙིང་པོ་ཉོན།། ཁ
79a2 དོག་དབྱིབས་སུ་མ་བསམ་པའི།། དངོས་པོ་མ་འཁྲུལ་འཇམ་དང་ཞིམ།། དགའ་བདེ་ཉམས་སུ་མྱོང་བ་ནི།། ད་ཙམ་ཉིད་ནས་འབྲེལ་མེད་ཤེས།། དེ་ཕྱིར་རང་རིག་ཡེ་ཤེས་ཤར།། དེ་ཡང་འདུས་པའི་སྙིང་པོ
79a3 ཉོན།། ཡུལ་མེད་ཤེས་པ་མ་འཁྲུལ་པས།། ན་ཚ་མི་ཞིམ་མི་དགའ་སོགས།། ཡུལ་དང་མ་བྲལ་ཉམས་མྱོང་བ།། ཡེ་ཤེས་རང་ཤར་དགོངས་པ་ཡིན།། དེ་དག་སྡུག་བསྔལ་རྣམ་དྲུག་གིས།། དོན་གྱི་དབྱེ་བའི་དོན་ཤེས
79a4 ན།། གང་གིས་རྐྱེན་དང་ཕྲད་པའི་ཚེ།། ཡུལ་དང་འབྲལ་མེད་ཉམས་སུ་མྱོང་།། དེ་ཙམ་ཉིད་ན་ཆོས་སྐུར་ཤར།། དེ་ཡང་རྡོ་རྗེ་སེམས་དཔའ་ཉོན།། དུག་ནི་ཧ་ལ་ནག་པོ་ལ།། མ་གི་རྩི་ཡིས་ཐེབ་གྱུར་ན།། དུག་དེ་སྨན
79a5 དུ་འགྱུར་བ་བཞིན།། དེ་བཞིན་ཚོར་བ་བདེ་སྡུག་ནི།། གང་གིས་རྐྱེན་དང་ཕྲད་པའི་དུས།། ལུང་བསྟན་གདམས་ངག་དྲན་ཤེས་ཕྱིར།། བདེ་སྡུག་ཆོས་སྐུར་ཉམས་སུ་མྱོང་།། ཅི་དྲན་གང་ཕྲད་ཡེ་ཤེས་ཤར།། སངས
79a6 རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། ཕྱི་རྐྱེན་ཡེ་ཤེས་རང་ཤར་བསྟན་པའི་ལེའུ་སྟེ་ཞེ་གསུམ་པའོ།། །། དེ
iiif viewer powered by OpenSeadragon
