| e-texts navigator |
| Wylie |
78a1 རྟོག་གོལ་མི་སྲིད།། མི་གཡོ་ཡེ་ནས་གནས་པ་ཡིས།། ཆུ་བོའི་རྒྱུན་བཞིན་རྟག་ཏུ་ཡོད།། བཞག་དང་ལངས་པ་མེད་པའི་ཕྱིར།། དབུ་མ་སེམས་ཙམ་གོལ་བ་མེད།། རང་བྱུང་ངེས་པའི་གཞི་ཉིད
78a2 ལ།། འཕེལ་དང་འགྲིབ་པ་མེད་པའི་ཕྱིར།། དུས་གསུམ་དག་ཏུ་འགྱུར་བ་མེད།། བསྐྱེད་རིམ་ལྷ་ཡི་གོལ་ས་མེད།། དེ་ཡང་འདུས་པའི་སྙིང་པོ་ཉོན།། དེ་དག་གོལ་མེད་ལ་ཟློ་ནི།། རིག་པ་གསལ་བ་ལོངས་སྤྱོད
78a3 རྫོགས།། མི་རྟོག་འཛིན་མེད་སྤྲུལ་པའི་སྐུ།། མི་གཡོ་འགྱུར་མེད་ཆོས་ཀྱི་སྐུ།། ངོ་བོ་ཉིད་སྐུ་འཕེལ་འགྲིབ་མེད།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ
78a4 ཆེ་ཡོན་ཏན་ཀུན་འབྱུང་གི་རྒྱུད་ལས། གོལ་མེད་ཀྱི་མན་ངག་བསྟན་པའི་ལེའུ་སྟེ་ཞེ་གཅིག་པའོ།། །། དེ་ནས་འདུས་པའི་ཚོགས་རྣམས་ལ།། ཉམས་ཀྱི་རིམ་པ་འདི་གསུངས་སོ།། གང་ཡང་མ་མནོས་དྲན་པ
78a5 ལ།། རང་བཞིན་མེད་པའི་ཤེས་རབ་ཀྱིས།། མི་བརྗེད་པ་ཡི་ཤེས་པས་ཟིན།། གཟའ་གཏད་མེད་པ་ལམ་གྱི་ཉམས།། ཡུལ་ནི་གང་ཡང་མ་བརྟེན་པའི།། མཐོང་ཐོས་མེད་པར་རང་ཡིད་ཆེས།། འགྱུར་བ་མེད
78a6 པའི་གདེང་དང་ལྡན།། སངས་རྒྱས་དགོངས་པ་ཐུགས་ལ་འཆར།། མ་བསམས་པ་ཡི་རིག་པ་ལས།། སྐྱེ་འགགས་མེད་པའི་ཏིང་འཛིན་གསལ།། ཉམས་མྱོང་ངེས་པར་རྒྱུན་མི་འཆད།། དེ་ཙམ་ཉིད་ནས་ད
iiif viewer powered by OpenSeadragon
