| e-texts navigator |
| Wylie |
77b1 པའི་རིག་པ་འཕྱོ།། དེ་ཡང་འདུས་པའི་སྙིང་པོ་ཉོན།། ཁྱུང་དང་ཨུངྒར་སྦྲུལ་མདུད་བཞིན།། ཉམ་ང་མེད་པའི་ལྟ་བ་ཡིས།། ཤིན་ཏུ་དཀོན་པའི་ཆོས་སྐུ་རྙེད།། དུག་ལྔ་སྐྱེས་ཙམ་རང་གྲོལ་ཐུགས།། རིན་ཆེན་ཅང་ཤེས
77b2 མ་གི་བཞིན།། ཆོས་ཉིད་རྟོགས་པས་ཐམས་ཅད་འགྲུབ།། གང་ཕྱིར་ཆོས་ཉིད་འབྲེལ་མེད་ཤེས།། ཉོན་མོངས་ནད་སེལ་དྲན་པའི་མཆོག། དེ་ཡང་འདུས་པའི་སྙིང་པོ་ཉོན།། དེ་དག་དཔེ་དོན་མཚོན་པའི
77b3 ཉམས།། བལྟ་བསྒོམ་སྤྱོད་པ་འབྲས་བུ་ཡིས།། རྣམ་པ་བཞིར་ནི་ཕྱེ་བ་ཡང་།། ཤེས་རབ་དམན་ལ་བསྟན་པ་ལས།། དོན་ལ་རང་རིག་ཆོས་སྐུར་འདུས།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ
77b4 འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། ཉམས་ཀྱི་རིམ་པ་གཅིག་ཏུ་བསྟན་པའི་ལེའུ་སྟེ་བཞི་བཅུ་པའོ།། །། དེ་ནས་འདུས་པའི་ཚོགས་རྣམས་ལ།། མན་ངག་གོལ
77b5 མེད་བཀའ་སྩལ་པ།། གསལ་ལ་མི་རྟོག་མི་གཡོ་བ།། འཕེལ་འགྲིབ་མེད་པར་རྒྱུན་དུ་གནས།། གོལ་མེད་ཀུན་གཞི་ལ་བཟླའོ།། དེ་ཡང་འདུས་པའི་སྙིང་པོ་ཉོན།། གསལ་ལ་གོལ་མེད་ཡེ་ཤེས་ནི།། སྤྲིན་མེད་ཉི་མའི
77b6 འོད་བརྡལ་བཞིན།། མཐའ་དབུས་མེད་པའི་ཆོས་སྐུར་གསལ།། འདུ་ཤེས་མེད་འགོག་གོལ་བ་མེད།། མི་རྟོག་དམིགས་འཛིན་མེད་པ་ཡིས།། རིག་པ་རྒྱ་ཡན་ཆོས་ཀྱི་སྐུ།། ཕྱོད་དེ་སང་ངེ་འཛིན་རྟོག་མེད།། སྐྱེ་བོ་མ
iiif viewer powered by OpenSeadragon
