| e-texts navigator |
| Wylie |
77a1 ལ་བྱ།། དེ་ཡང་རྡོ་རྗེ་སེམས་དཔའ་ཉོན།། དཔེར་ན་ཉི་མའི་སྙིང་པོ་ལ།། མུན་མེད་འོད་ཀྱི་རང་བཞིན་ལྟར།། ཆོས་སྐུ་སངས་རྒྱས་རང་བཞིན་ལ།། རྩོལ་བའི་འཁྲུལ་པ་གཞི་ནས་དག། ཆོས་སྐུ་དོན་དམ
77a2 ལྡན་པ་ལ།། རིག་ལྔའི་སངས་རྒྱས་དགོངས་པ་སྟེ།། མཉམ་བཞག་རྗེས་ཐོབ་མིང་ཡང་མེད།། མ་བཅོས་རང་སར་བཞག་པས་ཆོག། དེ་ཡང་འདུས་པའི་སྙིང་པོ་ཉོན།། ཆོས་ཉིད་ཐིག་ལེ་ཉག་གཅིག་ལ།། བརྒྱད་ཁྲི
77a3 བཞི་སྟོང་བྱུང་བ་ཡང་།། ཐ་སྙད་ཙམ་དུ་ཕྱེ་བ་ལས།། དོན་ལ་དབྱེར་མེད་གཅིག་ཏུ་འདུས།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན
77a4 འབྱུང་གི་རྒུད་ལས། ཆོས་སྐུ་ངོ་སྤྲད་པའི་ཡོན་ཏན་བསྟན་པའི་ལེའུ་སྟེ་སོ་དགུ་པའོ།། །། དེ་ནས་འདུས་པའི་ཚོགས་རྣམས་ལ།། ཉམས་ཀྱི་རིམ་པ་བཀའ་སྩལ་པ།། ཆོས་སྐུ་རྟོགས་པའི་རྣལ་འབྱོར་པས།། དད
77a5 ལྡན་ཤེས་རབ་སྣོད་ལྡན་ལ།། དཔེ་བརྒྱད་བཞིས་མཚོན་དོན་རྣམས་བཤད།། དེ་ཡང་འདུས་པའི་སྙིང་པོ་ཉོན།། ནམ་མཁའ་ཉི་མ་རི་རབ་བཞིན།། དངོས་མེད་མཐའ་དབུས་མེད་ལ་ཁྱབ།། མ་བསྒྲིབས་མཐའ་དབུས
77a6 མེད་ལ་གསལ།། ཆོས་སྐུ་རྟོགས་པས་འགྱུར་བ་མེད།། དེ་ཡང་རྡོ་རྗེ་སེམས་དཔའ་ཉོན།། རྒྱ་མཚོ་ཆུ་བོ་བསེར་བུ་བཞིན།། ཟབ་ལ་གཡོ་མེད་ཉམས་དང་ལྡན།། འཕེལ་འགྲིབ་མེད་པས་རྒྱུན་མི་ཆད།། ཁ་དོག་མེད
iiif viewer powered by OpenSeadragon
