| e-texts navigator |
| Wylie |
76b1 ཡེ་ཤེས་ལྷུན་གྲུབ་བྱིན་གྱིས་རླབས།། དེ་ཡང་འདུས་པའི་སྙིང་པོ་ཉོན།། དེ་དག་རྩ་བ་མདོར་བསྡུ་ན།། སྐྱོན་ཉིད་གཞི་ལ་མེད་ཤེས་པས།། རང་བྱུང་རིག་པ་ཆོས་སྐུར་གསལ།། དེ་ཙམ་ཉིད་ན་གོལ་བ་མེད།། སངས
76b2 རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། སྐྱོན་ཡོན་ཏན་དུ་མེད་པ་ཆོས་སྐུར་ངོ་སྤྲོད་པའི་ལེའུ་སྟེ་སོ་བརྒྱད
76b3 པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན་པས་བཀའ་སྩལ་པ།། དེ་ཉིད་བསྟན་པའི་ཡོན་ཏན་ནི།། ཆོས་སྐུ་ངོ་སྤྲོད་རྣམ་གསུམ་གྱིས།། ལྷན་ཅིག་མ་རིག་རྣམ་པར་དག། དེ་ཕྱིར་རྐྱེན
76b4 བཞིས་བསྐྱེད་དུ་མེད།། དེ་ཡང་འདུས་པའི་སྙིང་པོ་ཉོན།། སྔ་ཕྱི་མེད་པར་ངོ་སྤྲོད་པས།། གཞི་གནས་མ་རིག་རྩད་ནས་ཆོམས།། རིག་པ་རྒྱ་བསྐྱེད་ངོ་སྤྲད་པས།། བག་ལ་ཉལ་ཕྲ་རང་བརླག་སྟོངས།། སྐྱོན་ཉིད་ཡོན
76b5 ཏན་ངོ་སྤྲད་པས།། དེ་མ་ཐག་འཛིན་མ་རིག་སངས།། དེ་ཡང་འདུས་པའི་སྙིང་པོ་ཉོན།། དེ་དག་བསྟན་པའི་དོན་ཤེས་ནས།། ལྷན་ཅིག་མ་རིག་གཏན་སྟོངས་ཏེ།། འཁོར་བའི་ས་བོན་གཞི་ནས་བརླག། མ་རིག་སངས
76b6 ལ་རིག་པ་རྒྱས།། དེ་ཡང་འདུས་པའི་སྙིང་པོ་ཉོན།། ཆོས་སྐུ་ཉམས་མྱོང་ཡིད་ཆེས་པས།། འཁོར་བ་རྣམ་རྟོག་མིང་ཡང་མེད།། གཞི་དང་གཅིག་ཕྱིར་ཆོས་སྐུ་ཡིན།། མ་རིག་མུན་པ་མེད་པའི་ཕྱིར།། ཆོས་ཀྱི་སྐུ་ཞེས་དེ
iiif viewer powered by OpenSeadragon
