| e-texts navigator |
| Wylie |
76a1 སེམས་རྟོགས་པས་ཆོག། དེ་ཡང་འདུས་པའི་སྙིང་པོ་ཉོན།། སྔ་ཕྱི་གློ་བུར་བྱུང་བ་ན།། གཞི་ཤེས་སྤང་དུ་མེད་པའི་ཕྱིར།། ངེས་དོན་རང་སེམས་རྟོགས་པས་ཆོག། ཉི་ཤར་མུན་གྲིབ་མེད་པ་འདྲ།། ཡེ
76a2 ཤེས་བརྡལ་ཁྱབ་འགྱུར་བ་མེད།། དེ་ལྟར་རྟོགས་པའི་རྣལ་འབྱོར་པ།། དབང་པོ་རང་ཡན་སྐྱོན་སངས་པས།། རང་སེམས་དབྱིངས་ལ་ཡེ་ཤེས་ཀློང་།། གང་ན་འདུག་པ་ཆོས་ཀྱི་དབྱིངས།། དེ་ཡང་འདུས་པའི་སྙིང་པོ
76a3 ཉོན།། བཏང་བཞག་མེད་པའི་ཏིང་འཛིན་ལས།། འཁོར་འདས་གཉིས་མེད་དུ་བསམ་ན།། བྱ་བ་བཏང་བའི་སྐྱེ་བུ་བཞིན།། དགེ་སྡིག་གཉིས་ཀྱི་འཛིན་པ་བྲལ།། དུས་གསུམ་ཡེངས་མེད་སྲོག་ཏུ་བལྟ།། སྔ་ཕྱིའི་ཉོན
76a4 མོངས་གང་སྐྱེས་ཀྱང་།། དེ་ཡི་དུས་ནས་ཡུལ་མི་དཔྱད།། སྣང་མེད་ངོ་བོ་ཉིད་ན་བཞག། ཤེས་པ་མ་བཅོས་གཟུང་འཛིན་བྲལ།། དབྱེར་མེད་རིག་པ་གཅིག་ལས་མེད།། ཐ་སྙད་བྲལ་བའི་དོན་གྱིས་མཚོན།། དུས
76a5 གསུམ་མི་འགྱུར་ཀུན་ཏུ་བཟང་།། ཡོན་ཏན་ཀུན་ལྡན་ཆོས་སྐུ་ལ།། འབྲས་བུ་སྦྲུལ་སྐུ་ཐུབ་དྲུག་བྱུང་།། དེ་ཡང་འདུས་པའི་སྙིང་པོ་ཉོན།། ཉི་མའི་སྙིང་པོ་གཅིག་གཅིག་གིས།། གླིང་བཞི་ཐམས་ཅད་འོད་ཀྱི་ཁྱབ།། དེ
76a6 བཞིན་རང་རིག་ཆོས་སྐུ་ལ།། རིག་པའི་བློ་ཡིས་དཔྱད་དུ་མེད།། ཡིན་དང་མིན་གྱི་ཐ་སྙད་བྲལ།། ཡང་འཇིགས་པའི་རྟོག་པ་མེད།། སྒྲོ་སྐུར་བྲལ་བའི་ཆོས་ཉིད་ལ། རང་བྱུང་ཀུན་མཁྱེན་རིག་པའི་ཐུགས།། མཁའ་འདྲ།
iiif viewer powered by OpenSeadragon
