| e-texts navigator |
| Wylie |
75b1 ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། རིག་པ་རྒྱ་བསྐྱེད་དེ་ཆོས་སྐུར་ངོ་སྤྲད་པའི་ལེའུ་སྟེ་སོ་བདུན་པའོ།། །། དེ་ནས་འདུས
75b2 པའི་ཚོགས་རྣམས་ལ།། ཀུན་རིག་ཆོས་ཀྱི་རྒྱལ་པོ་ཡིས།། སྐྱོན་ཉིད་ཡོན་ཏན་བཀའ་སྩལ་པ།། བག་ཆགས་ཉོན་མོངས་སེལ་བ་ཡང་།། མ་རིག་པ་ནི་ཟློག་ཕྱིར་ལས།། གཞི་ལ་སྔ་ཕྱི་གྲུབ་པ་མེད།། ཐག་པར་ཤེས་ན
75b3 སྦྲུལ་མེད་འདྲ།། དེ་ཡང་འདུས་པའི་སྙིང་པོ་ཉོན།། རིག་གི་ཡོད་པས་མ་རིག་སངས།། སང་ངེ་ཡོད་པས་བྱིང་རྨུགས་བྲལ།། སལ་ལེ་ཡོད་པས་རང་ཡིད་ཆེས།། ཝལ་ལེ་ཡོད་པས་ཆོས་ཀྱི་དབྱིངས།། དེ་བཞིན་གཅིག
75b4 ཏུ་ཤེས་པ་ཡིས།། ཤིན་ཏུ་ཟབ་པས་སྒྲོ་སྐུར་བྲལ།། རྒྱ་ཆེ་བས་ནི་མཐའ་དབུས་མེད།། ཡོན་ཏན་ཆེ་བས་གཟུགས་སྐུ་བྱུང་།། གོལ་ས་མེད་པས་ཀུན་གྱི་རྩེ།། ཡེ་ནས་ཆོས་སྐུ་ངོ་ཤེས་པས།། དེ་ལས་སངས་རྒྱས
75b5 ཆོས་ཀུན་རྫོགས།། གཞི་ཉིད་ཆོས་སྐུར་ངོ་ཤེས་ན།། སྐྱོན་དང་ཡོན་ཏན་གདག་པ་ཙམ།། ཉི་ཟེར་གཅེར་བུ་ཀུན་བསྲེགས་ཀྱང་།། དེ་ལ་སྡིག་པས་གོས་པ་མེད།། དེ་བཞིན་གདེངས་ཟིན་རྣལ་འབྱོར་པས།། སྣང་བ
75b6 ཞེས་པ་ཐམས་ཅད་ནི།། གོལ་སར་ཤེས་ན་གཞི་དང་ཕྲད།། དེ་ཕྱིར་འཁོར་བ་ཀ་དག་ནས།། དུག་ཉིད་སྨན་དུ་སྦྱོར་ཤེས་བཞིན།། སྐྱོན་ཉིད་རྟོགས་པས་ཡེ་ཤེས་སྐུ།། དེ་ལས་གོལ་ས་རྡུལ་ཙམ་མེད།། དེ་ཕྱིར་རང
iiif viewer powered by OpenSeadragon
