| e-texts navigator |
| Wylie |
75a1 གཏིང་དང་འདྲ།། འདུས་མ་བྱས་ཀྱི་ཀློང་དཀྱིལ་ན།། མཐའ་དབུས་མེད་པའི་རིག་པ་དེ།། ཆོས་སྐུ་རྒྱ་ཆེན་ཀུན་ལ་ཁྱབ།། འདུས་མ་བྱས་ཀྱི་ནམ་མཁའ་འདྲ།། ཡོད་མེད་ལ་སོགས་ཆོས་སྐུར་ནི།། གང
75a2 ཡང་ཡིན་པར་རྟོགས་པའི་ཕྱིར།། གང་དྲན་དོན་ཟིན་བྱེད་མི་དགོས། ཀུན་ལྡན་རིན་ཆེན་ཡོན་ཏན་འདྲ།། གོལ་མེད་རང་བྱུང་ཆོས་སྐུ་ལ།། དུག་ལྔའི་སྐྱོན་གྱིས་མ་གོས་ཏེ།། ཡེ་ཤེས་ཀློང་ན་ཆོས་སྐུ་འཕྱོ།། པདྨ་དང་ནི
75a3 འདམ་བཞིན་ནོ།། སེམས་རྟོགས་པ་ཡི་རྣལ་འབྱོར་དེ།། ཤེས་རབ་རང་ཡན་བཞག་གྱུར་ཀྱང་།། གོལ་མེད་ཡེ་ཤེས་ཆོས་སྐུར་གནས།། ཨུཏྤལ་རྙེད་པའི་ལྷ་མིག་འདྲ།། དེ་ཡང་རྡོ་རྗེ་སེམས་དཔའ་ཉོན།། སངས་རྒྱས
75a4 དགོངས་པ་མི་གཡོ་བ།། དུས་གསུམ་མི་གཡོ་འཕེལ་འགྲིབ་མེད།། ཤེས་པ་མི་གཡོ་རྒྱ་མཚོ་འདྲ།། མཉམ་ཉིད་དོན་ལ་རྐྱེན་མི་ཚུགས།། གསལ་དང་མི་རྟོག་དུས་མཉམ་པ།། འབྲས་བུ་རང་བྱུང་ཆོས་སྐུ་ཡིན།། དེ་ཡང
75a5 འདུས་པའི་སྙིང་པོ་ཉོན།། དེ་དག་རྩ་བ་མདོར་བསྡུ་བ།། ཡིད་ལ་ཆོས་སྐུ་ཝལ་གྱིས་དྲན།། དེ་ཡི་ངང་ལ་ཅོག་གིས་ཞོག། ཡུལ་ལ་འཛིན་མེད་རྟོག་པ་སྤངས།། རང་རིག་ཡིད་ཆེས་གདེང་དང་ལྡན།། འབྲས་བུ་མངོན
75a6 འགྱུར་བུདྡྷ་ཡིན།། དེ་ཡང་འདུས་པའི་སྙིང་པོ་ཉོན།། དེ་དག་རིག་པ་བཞི་ལྡན་དེ།། གཅིག་ལ་ལྔར་སྣང་ངོ་བོ་གཅིག། ཡོན་ཏན་སྒོ་ནས་དབྱེ་བ་ལ།། གསེར་སྦྲུལ་མིག་བཞིན་གཅིག་ལས་མེད།། སངས་རྒྱས་ཐམས
iiif viewer powered by OpenSeadragon
