| e-texts navigator |
| Wylie |
74b1 བསམ་མ་བཏང་ཕྱིར།། བྱིང་རྨུགས་སྤྲོས་པ་གང་ཡང་མེད།། ཉི་མ་གཟའ་བྲལ་ལྷང་དེ་བཞིན།། ས་ལེ་བ་ལ་འགྱུར་བ་མེད།། བདེ་ལ་མི་རྟོག་རྒྱུན་དུ་གནས།། དེ་ཕྱིར་རང་བྱུང་འགྱུར་བ་མེད།། གཡའ་མེད་མེ་ལོང
74b2 བྱད་བལྟ་བཞིན།། ཝ་ལེ་བ་ལ་དངོས་པོ་མེད།། དེ་ཙམ་ཉིད་ན་ཆོས་ཀྱི་དབྱིངས།། གཞི་ལ་ཡུལ་མེད་རྟོགས་པས་ཆོག། དེ་དག་དབྱེ་བ་རྣམ་བཞི་ལ།། རང་རིག་ཡེ་ཤེས་ཆོས་སྐུ་གཅིག། རང་རིག་རྙོག་མ་མེད་པའི
74b3 ཕྱིར།། ནོར་བུ་ཆུ་དངས་དཔེ་བཞིན་ནོ།། རང་བྱུང་ཆོས་སྐུ་གསལ་བ་ཡིས།། རང་རིག་ཡེ་ཤེས་སྒོ་ལྔ་གསལ།། དཔེ་ནི་ཏིལ་གྱི་མར་མེ་འདྲ།། ཤེས་པས་མ་བསྒྲིབས་དོན་ལ་བརྗོད།། སྣང་བ་མ་བཅོས་ཆོས་དབྱིངས
74b4 དང་།། འབྲས་བུ་ལོངས་སྤྱོད་རྫོགས་པའི་སྐུ།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། ཤེས་པ་སྔ་ཕྱིར་མ་སོང་བར
74b5 ཆོས་སྐུར་ངོ་སྤྲོད་པའི་ལེའུ་སྟེ་སོ་དྲུག་པའོ།། །། དེ་ནས་འདུས་པའི་ཚོགས་རྣམས་ལ། ཀུན་རིག་སྟོན་པས་བཀའ་སྩལ་པ།། རང་བྱུང་ཆོས་སྐུ་རྒྱུ་མེད་ཕྱིར།། ལྔ་ལྡན་གོལ་མེད་ངོ་སྤྲད་དེ།། ཟབ་ལ་རྒྱ་ཆེའི་ཡོན
74b6 ཏན་ལ། གོལ་མེད་ཡེ་ཤེས་ཆེན་པོར་གསལ།། དེ་ཡང་འདུས་པའི་སྙིང་པོ་ཉོན།། ངེས་དོན་གཏིང་ཟབ་བརྟག་དཀའ་བ།། བསྒོམ་པའི་དུས་ན་ཆོས་སྐུར་གསལ།། ཕྱོགས་རེའི་བློ་ཡི་སྤྱོད་ཡུལ་མིན།། དེ་ཕྱིར་རྒྱ་མཚོའི
iiif viewer powered by OpenSeadragon
