| e-texts navigator |
| Wylie |
73b1 འདྲ།། ཕྱི་ཡི་ཉོན་མོངས་གློ་བུར་བ།། ད་གདོད་ཅི་བྱ་མནོ་བ་ནི།། དངོས་པོ་མ་འཁྲུལ་བསམ་པ་འཁྲུལ།། ཟག་པ་སྦྲུལ་དུ་འཁྲུལ་པ་འདྲ།། ཡུལ་སེམས་འཛིན་པའི་རྟོག་པ་ནི།། བསམ་དངོས་གཉིས་ཀ་འཁྲུལ་པའི
73b2 ཕྱིར།། མེད་ལ་ཡོད་རྟོག་སྔ་ཕྱི་འདྲེས།། རི་བོང་རྭ་ལ་རྟོག་དཔྱོད་འདྲ།། སྐྱེ་བོས་འཕྲལ་གྱི་བྱ་བ་ཀུན།། གཉིས་ཀ་མ་འཁྲུལ་དོན་ལ་རྟོགས།། གང་བྱེད་ལྟ་བས་མ་ཟིན་ཕྱིར།། ཟླ་བ་དཀར་ཀྱང་མུན་ཡོད་འདྲ།། ཟུང
73b3 བཞི་ཞེས་ནི་དེ་ལ་བྱ།། དེ་ཡང་རྡོ་རྗེ་སེམས་དཔའ་ཉོན།། བླ་མ་ངེས་ལུང་ལྡན་པ་ལ།། དད་ལྡན་ཤེས་རབ་ཅན་ཕྲད་དུས།། དངོས་པོ་མ་འཁྲུལ་རིག་པ་ལ།། བསམ་པ་མ་འཁྲུལ་ཡེ་ཤེས་ཏེ།། གཉིས་ཀ་མ་འཁྲུལ་རང
73b4 རིག་སྐུ།། ལྟ་བ་གདེངས་ཟིན་ལྷུན་གྱིས་གྲུབ།། དེ་དོན་གཅིག་ཤེས་མངོན་སངས་རྒྱས།། ཡ་བདུན་ཞེས་ནི་དེ་ལ་བྱ།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན།།
73b5 རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། དོན་གྱི་དབྱེ་བ་བསྟན་པའི་ལེའུ་སྟེ་སོ་ལྔ་པའོ།། །། དེ་ནས་ཀུན་རིག་སྟོན་པ་ཡིས།། རང་བྱུང་རིག་པའི་ཡེ་ཤེས་ནི།། ཆོས་སྐུ་ངོ་སྤྲོད་བཀའ་སྩལ་པ།། ཤན་དབྱེ་ངོས
73b6 བཟུང་ལ་བཟླས་ཏེ།། རྣལ་འབྱོར་པ་ཡི་ཤན་དབྱེ་བ།། སྔར་གྱི་བག་ཆགས་ཞེས་བྱ་བ།། སྔོན་བྱས་ད་ལྟ་གང་དྲན་པ།། ཡུལ་ལ་གཟུང་འཛིན་བརྟས་པ་ལ།། དམ་པར་ཞེན་ནས་ཀུན་ཏུ་བརྟགས།། དེ་ཕྱིར་འཁོར་བའི
iiif viewer powered by OpenSeadragon
