| e-texts navigator |
| Wylie |
73a1 རྒྱས།། རིག་པའི་ངངཔལ་ཆོས་སྐུ་ཞོག། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། ལྟ་བ་མདོར་བསྡུས
73a2 ཏེ་བསྟན་པའི་ལེའུ་སྟེ་སོ་བཞི་པའོ།། །། དེ་ནས་རྡོ་རྗེ་སེམས་དཔའ་ཡིས།། དད་ལྡན་འཁོར་གྱི་དོན་ཆེད་དུ།། ཀུན་རིག་ཆོས་ཀྱི་རྒྱལ་པོ་ལ།། བདེན་པའི་དགོངས་དོན་འདི་སྐད་གསོལ།། རང་གི་རིག་པ་ངོས
73a3 ཟིན་ན།། ཉམས་སུ་མྱོང་བའི་བཀའ་རྟགས་ཀྱིས།། མན་ངག་དོན་གྱི་དབྱེ་བ་གང་།། ཆོས་སྐུའི་ངོ་འདི་ཇི་ལྟར་སྤྲད།། ཆོས་སྐུ་སྤྲད་པའི་ཡོན་ཏན་གང་།། དྲུག་གཉིས་མཚོན་པའི་ཉམས་དང་ནི།། མན་ངག་གོལ་མེད་ལ
73a4 ཟློས་དང་།། ཉམས་མྱོང་བཀའ་རྟགས་བསྡུས་པ་ནི།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། འཁོར་འདས་པར་དོའི་གཞི་ཉིད་ནི།། སྐྱེ་ཤི
73a5 གཉིས་ཀྱི་བར་དོ་ལ།། ཆོས་སྐུ་གཏན་ལ་དབབ་པའི་ཕྱིར།། སྤྱི་ཡི་ཀུན་གཞིའི་གཞི་ཆ་ལ།། སྦྱོར་བ་རྐྱེན་གྱིས་སྔ་ཕྱིར་བསྒྲིབས།། ལུང་ལྡན་ངེས་པའི་གདམས་ངག་གིས།། དོན་གྱི་ཀུན་གཞི་ངོས་བཟུང་ཕྱིར།། ཤན་ཕྱེ
73a6 ལ་ནི་ངོ་སྤྲོད་དེ།། ཟུང་བཞི་ཡ་བདུན་དོན་ཤེས་བྱ།། དེ་ཡང་འདུས་པའི་སྙིང་པོ་ཉོན།། སྔ་ཕྱིའི་བག་ཆགས་ཞེས་བྱ་བ།། བསམ་པ་མ་འཁྲུལ་དངོས་པོ་འཁྲུལ།། སྔར་གྱི་དགེ་སྡིག་ཅི་བྱས་དྲན།། མི་ཤིའི་ཁ་དོག་དྲན་པ
iiif viewer powered by OpenSeadragon
