| e-texts navigator |
| Wylie |
72a1 ནས་ནི།། རང་རིག་ཆོས་སྐུ་ཡིན་པར་རྟོགས།། རི་བོ་ཏ་ལའི་རྩེ་མོ་འདྲ།། དེ་ཡི་དེ་ཉིད་མཚོན་པའི་དཔེ།། མཐའ་དབུས་མེད་པས་ནམ་མཁའ་འདྲ།། རྣམ་རྟོག་འཇོམས་པས་རྡོ་རྗེ་འདྲ།། སྐྱེ་བ་མེད་པས
72a2 ཨ་དང་འདྲ།། འདྲ་བའི་ཕྱིར་ན་དོན་མ་ཡིན།། དེ་ཡང་འདུས་པའི་སྙིང་པོ་ཉོན།། གཏན་ཚིགས་ངེས་པ་གང་ཡིན་པ།། རང་བྱུང་འཁོར་བར་འཁྱམས་མ་མྱོང་།། དེ་རྟོགས་འབྲས་བུ་དུས་འདི་རུ།། མཐའ་བྲལ་མངོན
72a3 གྱུར་བདེན་པ་མཐོང་།། དེ་ཡི་བཟློག་ཆོས་དེད་པ་དང་།། མཐུན་པ་མི་མཐུན་གཉིས་ལོགས་པས།། གོལ་སྒྲིབ་སྐྱོན་གྱིས་མ་གོས་པ།། སེམས་ལས་མ་བྱུང་ཆོས་སྐུར་གསུངས།། དེ་ཡང་འདུས་པའི་སྙིང་པོ་ཉོན།། རང
72a4 གི་སེམས་ཉིད་ངེས་པ་དེ།། གང་དང་འདྲ་མེད་ཡིན་པ་མེད།། ཡིན་ནི་ད་ལྟའི་ཤེས་པ་ལ།། དེ་དོན་ཀུན་ལ་གནས་པའི་ཕྱིར།། འཆར་ནུབ་འབྲལ་བ་མེད་པའི་མཆོག། ལ་ཟློས་སྤང་ལེན་ངོ་ཤེས་པས།། སྐྱོན
72a5 མེད་ཐམས་ཅད་མེད་པར་དག། དེ་ཕྱིར་དུས་འདིར་འབྲས་བུར་འགྲུབ།། ཕྱི་མར་སངས་རྒྱས་སྨོས་ཅི་དགོས།། དེ་ཡང་འདུས་པའི་སྙིང་པོ་ཉོན།། ཆོས་དབྱིངས་ཆོས་སྐུ་གཅིག་གི་ངང་།། རང་བྱུང་རིག་པའི་ཡེ་ཤེས
72a6 དེ།། ཉི་ཟླ་གཟས་ཟིན་དཔེ་བཞིན་དུ།། དོན་ཀུན་དུས་གཅིག་ཡོན་ཏན་རྫོགས།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད
iiif viewer powered by OpenSeadragon
