| e-texts navigator |
| Wylie |
71b1 སྙིང་པོ་ཉོན།། སྤྲིན་མེད་ནམ་མཁར་ཉི་ཤར་བཞིན།། ཡུལ་མེད་དྲན་པའི་རིག་པ་དེ།། ཞེན་མེད་རང་རིག་ལྷག་མཐོང་ངོ་།། རིག་པ་ཤེས་པས་མ་རིག་སངས།། རིག་པའི་ཀློང་དུ་ཆོས་ཉིད་དྲན།། རང་བྱུང་ཀློང་ནས་ཡེ
71b2 ཤེས་ཤར།། རིག་པའི་ངང་ལ་ཆོས་ཉིད་ཞོག། དེ་ཡང་འདུས་པའི་སྙིང་པོ་ཉོན།། དེ་ཚེ་ཀུན་བཟང་ཆོས་དྲུག་གིས།། གཞི་གནས་མ་རིག་དྲུག་བཅོམ་སྟེ།། ཉུག་ཙམ་ཉིད་ན་ཚིག་ཙམ་སྟོང་།། རིག་ཙམ་བྱུང་ན་རིག
71b3 འགྲིབས་བརླག། སལ་གྱིས་བྱུང་བས་མུན་པ་སངས།། ཝལ་གྱིས་བྱུང་བས་འཐིབ་པ་མེད།། སྒྲོ་སྐུར་བྲལ་བས་མ་རིག་དག། འགྱུར་བ་མེད་པས་ནམ་མཁའ་འདྲ།། དེ་ཡང་རྡོ་རྗེ་སེམས་དཔའ་ཉོན།། འཁྲུལ་པ་མ
71b4 རིག་ལོག་བཅོམ་ནས།། ལུང་མ་བསྟན་པར་རང་བརླག་སྟོང་།། བེམ་རིག་ཕྱེད་པས་གཞི་དང་ཕྲད།། དེ་ཕྱིར་མ་རིག་མུན་པ་སངས།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས
71b5 པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། ཡུལ་དང་འབྲེལ་མེད་ཀྱི་རིག་པ་ངོས་བཟུང་བར་བསྟན་པའི་ལེའུ་སྟེ་སོ་གཉིས་པའོ།། །། དེ་ནས་འདུས་པའི་ཚོགས་རྣམས་ལ།། དུས་མཉམ་ལྟ་བ
71b6 བཀའ་སྩལ་པ།། རང་བྱུང་ངོ་བོ་ཉིད་ཀྱི་སྐུ།། རྒྱུ་རྐྱེན་མ་བསྐྱེད་ཡང་དག་ཡོད།། ཡིན་མིན་བློ་ཡིས་མ་བཅོས་པར།། འདུས་མ་བྱས་པའི་ནམ་མཁའ་འདྲ།། དེ་ཡི་རྟོགས་ཚུལ་ཡེ་ཤེས་དེ།། ཀུན་བཟང་ཉིད་ནི་གདོད
iiif viewer powered by OpenSeadragon
