| e-texts navigator |
| Wylie |
71a1 འབྱུང་བའི་དབྱིངས།། གཅིག་ལ་ཐ་དད་ངོས་འཛིན་ན།། འགལ་བ་མེད་དེ་ཀུན་གྱི་དབྱིངས།། ད་ལྟ་སྣང་བའི་ཆོས་རྣམས་ལ།། མི་བརྟག་མི་བཟུང་མ་བྲལ་ཙམ།། སྒོ་ལྔ་མ་འགགས་རང་ཡན་ལ།། རིག
71a2 པ་རང་དྲན་དབྱིངས་ནས་འཕྱོ།། གང་ཡང་རུང་བ་གཅིག་ལ་ཡང་།། སྒྲོ་སྐུར་མེད་པ་ཆོས་དབྱིངས་ཡིན།། དེ་ཡང་འདུས་པའི་སྙིང་པོ་ཉོན།། ཡུལ་འདི་མེད་པའི་དོན་ཤེས་ཀྱང་།། ད་དུང་བག་ཆགས་ཆ་འདྲ་ཡིས།། ཆུ
71a3 ཟླ་སྨིག་རྒྱུ་དུ་བ་བཞིན།། འོད་ཀྱི་ཟེར་བུ་མེ་ལོང་ཙམ།། དོན་ལ་ཤེས་མེད་རིག་པ་དང་།། སྣང་ཡང་སྣོད་མེད་རྟོགས་པ་ཡིན།། ཆོས་སྐུ་འཕྱོ་བ་ནམ་མཁའི་ཀློང་།། ཡིན་དང་མིན་གྱིས་ཅི་ཞིག་བྱ།། ཆོས་ཀྱི་དབྱིངས་སུ
71a4 དེ་ལ་བཏགས།། འཁྲུལ་པའི་རྟོག་པས་གཞི་མི་འགྱུར།། བཙལ་བའི་བསམ་པས་དབྱིངས་མི་སྤྱོད།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན
71a5 ཏན་ཀུན་འབྱུང་གི་རྒྱུད་ལས། སྣང་བ་མ་བཅོས་ཆོས་ཀྱི་དབྱིངས་གཏན་ལ་ཕབ་པའི་ལེའུ་སྟེ་སོ་གཅིག་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་ཆོས་ཀྱི་རྒྱལ་པོ་ཡིས།། ཡུལ་མེད་རིག་པ
71a6 བཀའ་སྩལ་པ།། ལུང་ལྡན་བླ་མའི་གདམས་ངག་འདི།། མ་རིག་འཁྲུལ་པ་ཕྱི་ན་ཡོད།། རང་རིག་ཡེ་ཤེས་ནང་ན་ཡོད།། ཕྱི་ནང་བར་དུ་ནམ་མཁའ་དབྱེ།། སེམས་རིག་ཕྱེད་པས་རང་བྱུང་རྟོགས།། དེ་ཡང་འདུས་པའི
iiif viewer powered by OpenSeadragon
