| e-texts navigator |
| Wylie |
70b1 བསྟན་དག་ནི།། གནས་སྐབས་མཐར་ཐུག་གཉིས་ཀ་ཡི།། འབྲེལ་པ་མེད་པས་འཁོར་བ་སྟོངས།། དེ་ཡང་འདུས་པའི་སྙིང་པོ་ཉོན།། རང་བཞིན་ལུས་དང་ཆོས་སྐུ་གཉིས།། གནས་སྐབས་འབྲེལ་པ་མཐར་ཟུག
70b2 ཡོད།། དེ་ཕྱིར་ལུང་ལྡན་ཕྲད་དུས་ན།། ཐིག་ལེ་ཡེ་ཤེས་རྟོགས་ཕྱིར་རོ།། དེ་ཡང་འདུས་པའི་སྙིང་པོ་ཉོན།། གཉིས་ཀའི་གཞི་དང་ལུང་མ་བསྟན།། གནས་སྐབས་ཡོད་ལ་མཐར་ཟུག་མེད།། དེ་ཕྱིར་གཏི་མུག་སངས
70b3 དུས་ན།། ཆོས་སྐུ་གཅིག་ཏུ་ཤེས་པས་ཆོག། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། གཞི་གསུམ་འབྲེལ་པ་ཡོད
70b4 མེད་བསྟན་པའི་ལེའུ་སྟེ་སུམ་ཅུ་པའོ།། །། དེ་ནས་འདུས་པའི་སྙིང་པོ་ཉོན།། ཀུན་ཏུ་བཟང་ལ་འདི་སྐད་གསོལ།། གོལ་མེད་ཆོས་དབྱིངས་གང་གིས་བྱ།། ཡུལ་དུ་མ་འབྲེལ་རིག་པ་གང་།། དེ་གཉིས་དུས་མཉམ
70b5 ལྟ་བ་གང་།། ལྟ་བ་མདོར་ནི་ཇི་ལྟར་བསྡུ།། རིག་པའི་རྒྱལ་པོས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། སྣང་བ་ཆོས་དབྱིངས་བཀའ་སྩལ་པ།། ཡུལ་གྱི་རྟོག་པ་གསུམ་བྲལ་བའི།། སྣང་བ་མ་བཅོས
70b6 ཆོས་ཉིད་ལས།། རིག་པ་མ་བསླད་ཡེ་ཤེས་ནི།། བེམ་རིག་ཕྱེད་ན་སྐུ་དང་དབྱིངས།། དེ་ཡང་འདུས་པའི་སྙིང་པོ་ཉོན།། སྟེང་གི་ཆོས་དབྱིངས་ཆོས་སྐུར་གཅིག། བར་དུ་ཡེ་ཤེས་སྒྱུ་མའི་དབྱིངས།། འོག་གི་སྣང་བ
iiif viewer powered by OpenSeadragon
