| e-texts navigator |
| Wylie |
70a1 རིམ་གྱིས་ནི།། རང་རིག་རྟོགས་པའི་སངས་རྒྱས་བྱུང་།། དེ་ཡང་རྡོ་རྗེ་སེམས་དཔའ་ཉོན།། ད་ལྟ་གང་ན་གནས་པ་ནི།། ལུང་ལྡན་ངེས་དོན་རྟོགས་པར་བྱ།། རྒྱུ་འབྲས་ལྟོས་པས་ཞེན་པ་མེད།། མ་ཚོར
70a2 ཡིད་ལ་བྱེད་པ་མེད།། བཏང་སྙོམས་ལྟེངས་པོའི་མུན་པ་སངས།། གོལ་མེད་ནམ་མཁའ་ལྟ་བུ་ལ།། ཞེན་མེད་རང་བྱུང་ཆོས་སྐུ་གསལ།། དེང་འདུས་རིག་པའི་སྙིང་པོ་གསལ།། དེ་རྟོགས་རྣམ་པ་བཅུ་གཅིག
70a3 ལྡན།། དངོས་པོ་མེད་པའི་བྱ་བ་བཏང་།། དེ་ཉིད་རྟོགས་པ་མངོན་གྱུར་ཡིན།། དེ་ཡང་འདུས་པའི་སྙིང་པོ་ཉོན།། ཐ་མ་སྐྱེ་ཤིའི་དུས་བྱུང་ཚེ།། ཡེ་ནས་དག་པའི་རང་བཞིན་ཕྱིར།། གཞི་གནས་འཁྲུལ་མེད་བྱ
70a4 བ་བཏང་།། དབང་པོས་གཟུང་བའི་ཡུལ་མེད་ཕྱིར།། རྟོགས་ཚུལ་རང་བཞིན་དག་པ་ལ།། གྲུབ་མཐའི་བློ་ཡི་བྱ་བ་བཏང་།། དེ་ཚེ་རྗེས་དྲན་དྲུག་དང་ནི།། འབྲས་བུ་ཡོན་ཏན་ལྔ་ལྡན་ཕྱིར།། དེ་ཚེ་སྐད་ཅིག་དེ་ཉིད
70a5 ལས།། སངས་རྒྱས་ས་ལ་ངེས་པར་འགྲོ།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། སངས་རྒྱས་ཀྱི་བྱུང་ཚུལ་བསྟན
70a6 པའི་ལེའུ་སྟེ་ཉེར་དགུ་པའོ།། །། དེ་ནས་འདུས་པའི་ཚོགས་རྣམས་ལ།། གཞི་གསུམ་འབྲེལ་པ་ཡོད་མེད་པ།། འདུས་པའི་འཁོར་ལ་བཀའ་སྩལ་པ།། ངེས་དོན་ཆོས་ཀྱི་སྐུ་དང་ནི།། འཁོར་གཞི་ལུང་མ
iiif viewer powered by OpenSeadragon
