| e-texts navigator |
| Wylie |
6b1 ཕྱོགས་སུ།། སྐལ་ལྡན་རིགས་ཀྱི་སྤྲུལ་པ་གཅིག། ཕ་མེད་བྲམ་ཟེའི་རིགས་སྐྱེས་ནས།། ང་ཡི་ངེས་དོན་ལྟ་བ་འདི།། གདམས་ངག་མི་འཆད་སྟོན་པ་འབྱུང་།། ཕྱིས་ཀྱི་རྣལ་འབྱོར་འཇུག་འདོད་པས།། ང་ཡི་རྒྱུད་འདི
6b2 རྟོགས་པར་གྱིས།། འདི་ཤེས་བླ་མ་དམ་པར་བཟུང་།། དེ་བཟུང་ཡོན་ཏན་བརྗོད་མི་ལངས།། ངེས་དོན་འདི་ལ་གང་མོས་རྣམས།། བཀའ་དང་མཐུན་པར་དོན་གོ་ནས།། རྡུལ་ཙམ་དུ་ཡང་མ་བསྒོམས་ཀྱང་།། སངས
6b3 རྒྱས་ས་ལ་སྨོས་ཅི་དགོས།། དེ་ཚེ་དད་ལྡན་འདི་ལ་འཇུག། འཁོར་འདས་མ་རིག་ཆོས་སྐུའི་དོན།། ལས་ཅན་ཀུན་གྱི་རྟོགས་དོན་ཆོས།། མན་ངག་རྫོགས་ཆེན་བསྟན་པ་འབྱུང་།། དེ་ཚེ་ང་ཡི་འཁོར་རྣམས་ཀྱིས།། ངེས
6b4 དོན་ལྟ་བ་འཆད་པ་ལ།། ལྷ་དམན་ཚུལ་འཆོས་སྡེ་པ་ནི།། སྔགས་པར་ཁས་འཆེའི་མུ་སྟེགས་དང་།། དྲང་དོན་ཐེག་པ་ལ་ཞེན་རྣམས།། ཞེ་སྡང་བྱེད་པའི་དུས་བྱུང་ཚེ།། ཁ་ཟེར་འཕྱར་ཁ་གཏོང་བ་དང་།། དུག་དང་རྡོ།
6b5 དང་མཚོན་སོགས་ཀྱིས།། དེ་ལ་གསོད་པར་སེམས་འགྱུར་ཞིང་།། ས་ཕྱོགས་མངའ་རིས་འགེགས་པའི་ཚེ།། ཀུན་བཟང་ལྟ་བ་ངེས་དོན་འདི།། ངོ་བསྲུང་ཚུལ་འཆོས་མ་ཡིན་པར།། ཞུམ་མེད་དམ་ཆོས་འདི་འཆད
6b6 པ།། ཚམ་ཚོམ་མེད་པ་དཔའ་བོའི་མཆོག། འཇིགས་མེད་མ་ནོར་སྟོན་པའི་ལམ།། བདེ་གཤེགས་རྣམས་ཀྱི་བྱིན་གྱིས་རློབས།། མཁའ་འགྲོ་ཆོས་སྐྱོང་སྨོས་ཅི་དགོས།། གནོད་པས་མི་ཚུགས་བསོད
iiif viewer powered by OpenSeadragon
