| e-texts navigator |
| Wylie |
6a1 སེམས་དམུ་རྒོད་སྟོང་ཁམས་ཡིན།། མངལ་གྱི་སྒྲིབ་གཡོགས་ཁང་སྟོང་བསྲུང་།། བཅོས་མའི་སྤྱོད་པ་སུས་བསྒོམ་པ།། འབྲས་བུ་སངས་རྒྱས་ཐོབ་འདོད་པ།། ཞེ་འདོད་ཡོད་ཕྱིར་འཁོར་བའི་རྒྱུ།། སྣང
6a2 བ་སེམས་སུ་བྱས་པའི་ཕྱིར།། འབྲས་བུ་ཡེ་ཤེས་འབྱུང་མི་སྲིད།། དེ་ཡང་འདུས་པའི་སྙིང་པོ་ཉོན།། འཁོར་འདས་ཚིག་ཏུ་བརྗོད་དཀའ་བ།། ཆོས་སྐུ་ནམ་མཁའ་ལྟ་བུ་དེ།། ཀུན་ལ་གནས་ཀྱང་རྟོགས་པར་དཀའ།། ཨུ
6a3 དུམ་ཝ་རའི་མེ་ཏོག་བཞིན།། བརྒྱ་ལམ་ན་ཡང་རེ་འགའ་ཞིག། འབྱུང་སྲིད་ཀུན་གྱི་ཐུན་མོང་མིན།། དོན་འདི་ཀུན་ལ་བཤད་ཀྱིས་ཉོན།། བླ་མ་རྡོ་རྗེ་སློབ་དཔོན་ལས།། ཉན་བཤད་སྒྲུབ་པའི་དབང་མནོས
6a4 ནས།། མཆེད་ལ་སྲིང་ལྟར་གདུང་བྱེད་ཅིང་།། ཐོས་བསམ་བསྒོམ་པར་འདོད་པའི་ཕྱིར།། བྱང་ཆུབ་སྲོག་དང་བསྔོ་བ་ཡི།། སྣོད་ལྡན་མ་ནོར་ཕྲད་གྱུར་ན།། འཚོ་བ་རང་གི་སྦྱར་ལ་ཡང་།། ལྟ་བའི་དགོངས་དོན་འདི
6a5 བསྟན་ཏེ།། མ་མཚོན་གོ་དང་མ་དཔྱད་རྟོགས།། དོན་ལྡན་མན་ངག་རིག་པའི་བློས།། མ་བསྒོམས་རྟོགས་པས་ངེས་པར་ཆོག། དེ་ཡི་འབྲས་བུ་ད་ལྟ་ཉིད།། སངས་རྒྱས་རྒྱལ་པོ་ཡེ་ཤེས་སྐུ།། ཐམས་ཅད་མཁྱེན་པའི་ཡེ
6a6 ཤེས་ཏེ།། འབྲས་བུ་ཀུན་གྱི་མཆོག་ཏུ་བཤད།། རྡོ་རྗེ་སེམས་དཔའ་ད་ཡང་ཉོན།། ངོ་བོ་ཉིད་ཀྱི་ཆོས་སྐུ་ལ།། འདས་དང་མ་འདས་མི་མངའ་ཡང་།། ང་ཉིད་དངོས་སུ་མི་བཞུགས་ཚེ།། འཛམ་གླིང་དབུས་ཀྱི་ཤར
iiif viewer powered by OpenSeadragon
