| e-texts navigator |
| Wylie |
69b1 འདྲ།། དེ་ཡང་རྡོ་རྗེ་སེམས་དཔའ་ཉོན།། སྲིད་པ་མ་ཆགས་སྟོང་པའི་ཚེ།། འབྱུང་བ་མ་ཆགས་གདོད་ནས་མེད།། དེ་དུས་ཡེ་ནས་ཆོས་ཉིད་དེ།། ཡེ་ནས་མ་འཁྲུལ་རིག་པ་ཡིས།། དེ་ཉིད་ཡིན་པར་ངོ་ཤེས་པས།། གཞི
69b2 དང་རྟོགས་པ་གཅིག་ཏུ་ཤེས།། དེ་ཕྱིར་ཐོག་མཐའ་དུས་ཅིག་ཆོད།། དེ་ཡང་འདུས་པའི་སྙིང་པོ་ཉོན།། སངས་རྒྱས་ཀུན་བཟང་དགོངས་པ་དེ།། རང་བྱུང་ཆོས་སྐུ་ཡེ་ནས་ཡིན།། དེ་ཕྱིར་རྒྱུ་རྐྱེན་འདུས་མ་བྱས།། རྟོགས
69b3 པ་ཀུན་ལ་ཆོས་ཉིད་ཁྱབ།། དེ་ཡང་འདུས་པའི་སྙིང་པོ་ཉོན།། རང་བྱུང་རིག་པའི་ཡེ་ཤེས་ཐུགས།། དེ་ལས་གཞན་དུ་གཡོས་པ་མེད།། ཐིག་ལེ་ཉག་གཅིག་ཡེ་ཤེས་སྐུ།། སངས་རྒྱས་ཆོས་སྐུ་དེ་ལས་བྱུང་།། དེ
69b4 ཕྱིར་ཀུན་ཏུ་བཟང་པོར་གནས།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། རྟོགས་པའི་གཞི་མྱ་ངན་ལས་འདས་པའི
69b5 ལེའུ་སྟེ་ཉེར་བརྒྱད་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན་པས་བཀའ་སྩལ་པ།། ཀུན་བཟང་རྟོགས་དོན་ཆོས་སྐུ་དེ།། རྡོ་རྗེ་སེམས་ལ་དངོས་བསྟན་པ།། ཕྱི་རབས་དོན་དུ་བསྟན་པའི
69b6 ཆོས།། རྒྱུད་ལུང་མན་ངག་རྣམ་གསུམ་བྱུང་།། གཞིར་བཞག་རང་བྱུང་ཆེན་པོ་ལ།། བག་ཆགས་ཀ་ནས་མེད་པའི་ཕྱིར།། འཛིན་པར་ཞེན་པའི་བྱ་བ་བཏང་།། གང་ལའང་འཛིན་པར་བྱར་མེད་དེ།། དེ་དོན་གཉིས་ཆར
iiif viewer powered by OpenSeadragon
