| e-texts navigator |
| Wylie |
68a1 འདྲ་ཐམས་ཅད་སྡུད།། ཡེ་ཤེས་ཉི་མས་ཐམས་ཅད་བསྲེག། ལྷུབ་ལྕིབ་ཆུ་ཡིས་སྡུད་ནུས་ཀྱང་།། མེ་བཞིན་བསྲེག་པའི་ནུས་པ་མེད།། ཆུ་ཡི་རྒྱ་མཚོའི་གླིང་དགུ་ཡང་།། དུས་ཀྱི་མེ་ཡིས་བསྲེགས་ཤིང
68a2 བསྐམ།། དེ་བཞིན་སྐད་ཅིག་ཏིང་འཛིན་གྱིས།། སྒྲིབ་པའི་ཕུང་པོ་བརླག་ཅིང་སྟོང་།། རིག་པའི་ཡེ་ཤེས་རྟོགས་པ་ཡིས།། བག་ཆགས་སླར་བསྲེགས་གཏན་མི་སྐྱེ།། སེམས་ཀྱི་བག་ཆགས་འཁོར་བའི་རྒྱུ།། སེམས་ནི
68a3 ཅིར་ཡང་མནོ་ཞིང་རྒྱུ།། གང་དྲན་ཆགས་སྡང་ཞེན་པར་བྱེད།། ཡེ་ཤེས་ཀྱིས་ནི་ཉོན་མོངས་བསྲེགས།། དེ་ཕྱིར་སེམས་ནི་འཁྲུལ་པ་ཡིན།། དེ་ཡང་འདུས་པའི་སྙིང་པོ་ཉོན།། མ་འཁྲུལ་རིག་པའི་ཡེ་ཤེས་ཀྱིས།། ཉོན
68a4 ངས་མ་ལུས་རྩད་ནས་འཇོམས།། ཆུ་ཡིས་ལྷུར་སྡུད་བསྲེག་མི་ནུས།། ཇི་ལྟར་མེ་ལྕེའི་རྩེ་མོ་ལ།། སྦྲང་བུ་འདུ་བར་ག་ལ་ནུས།། དེ་བཞིན་སེམས་ཀྱིས་སངས་མི་རྒྱ།། གཞི་ཡི་ཡེ་ཤེས་རྟོགས་པ་ལ།། ཉོན་མོངས
68a5 བག་ཆགས་གནོད་མི་ནུས།། སྔ་ཕྱི་བྲལ་བའི་ཆོས་ཉིད་ལ།། ཡེ་ཤེས་ཞེས་ནི་དེ་ལ་བྱ།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི
68a6 རྒྱུད་ལས། མ་རིག་ཡེ་ཤེས་ཤན་དབྱེ་བའི་ལེའུ་སྟེ་ཉེར་དྲུག་པའོ།། །། དེ་ཡང་རྡོ་རྗེ་སེམས་དཔའ་ཉོན།། ཤན་དབྱེ་དངོས་ཀྱི་ཡོན་ཏན་ནི།། སངས་རྒྱས་དམྱལ་བ་ཡན་ཆད་དུ།། མ་བཅོས་ལྷུན་གྲུབ་བཙལ་དུ
iiif viewer powered by OpenSeadragon
