| e-texts navigator |
| Wylie |
67b1 བསྒྲུབས་མྱ་ངན་འདས།། ལས་དང་ཐུགས་རྗེ་ད་ལྟ་འཛོམ།། དེ་ཕྱིར་འབྲས་བུ་མངོན་དུ་གྱུར།། མཐར་ཐུག་ཕྱི་རབས་རྣལ་འབྱོར་ཀུན།། ངེས་དོན་གདམས་ངག་འདི་རྙེད་པས།། ཉམས་ཀྱི་དགོངས་པ་གདེངས་ལྡན
67b2 འགྱུར།། ཤེས་རབ་ཀློང་དུ་མངོན་སངས་རྒྱས།། དེ་ནས་འདུས་པའི་སྙིང་པོ་ཉོན།། དེ་དག་རྩ་བ་མདོར་བསྡུ་ན།། ཁྱུང་ཆེན་ནམ་མཁར་ལྡིངས་པ་བཞིན།། ཆོས་སྐུའི་རིག་པ་སྤྲོ་བསྡུ་མེད།། བློ་ཡིས་མ་སྤྱད་རེ་དོགས
67b3 བྲལ།། ཡེ་ཤེས་མཐར་ཕྱིན་ལྷུན་གྱིས་གྲུབ།། བུདྡྷ་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། སངས་རྒྱས་ཐམས་ཅད་ཀྱི་བཀའ
67b4 རྟགས་ཀྱི་གདམས་ངག་མངོན་དུ་བསྟན་པའི་ལེའུ་སྟེ་ཉེར་ལྔ་པའོ།། །། དེ་ནས་རྡོ་རྗེ་སེམས་དཔའ་ཡིས།། དད་ལྡན་འཁོར་གྱི་དོན་ཆེད་དུ།། ཀུན་རིག་ཆོས་ཀྱི་སྟོན་པ་ལ།། བདེན་པའི་དགོངས་དོན་འདི་སྐད
67b5 གསོལ།། རྟོགས་པའི་ཡེ་ཤེས་རང་གནས་སུ།། རིག་པ་བྱིན་གྱིན་བརླབས་པའི་ཕྱིར།། མ་རིག་ཡེ་ཤེས་ཇི་ལྟར་དབྱེ།། ཕྱེད་པའི་ཡོན་ཏན་ཇི་ལྟར་འབྱུང་།། རྟོགས་གཞི་མྱ་ངན་འདས་པ་གང་།། དེ་ལས་སངས་རྒྱས་ཇི
67b6 ལྟར་འབྱུང་།། གཞི་གསུམ་འབྲེལ་པ་ཡོད་དམ་མེད།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། མ་རིག་ཡེ་ཤེས་དབྱེ་བ་ནི།། སེམས་ནི་ཆུ
iiif viewer powered by OpenSeadragon
