| e-texts navigator |
| Wylie |
67a1 ཞེས་པ་ནི།། ལུང་བསྟན་གདམས་ངག་འདིར་བསྟན་པས།། རྩལ་མེད་ངང་ལ་རིག་པ་འཕྱོ།། ཞེན་མེད་རང་གསལ་སྨན་ཆེན་གྱིས།། འཁོར་བར་འཛིན་པའི་ནད་ཆེན་སེལ།། དེ་ཡང་འདུས་པའི་སྙིང
67a2 པོ་ཉོན།། གཞི་དང་འདུག་ཚུལ་སྣང་ཚུལ་དང་།། ལུས་གནས་ངོ་བོ་གདམས་ངག་དང་།། གནས་སྐབས་མཐར་ཟུག་འབྲས་བུ་རྣམས།། ང་ཡིས་བསྟན་གྱིས་ལེགས་པར་ཉོན།། ཡེ་ནས་གནས་པའི་གཞི་ཉིད
67a3 ནི།། གདོད་ནས་མ་བཅོས་རང་བྱུང་སྟེ།། དེ་ཡི་དོན་གྱིས་ཀུན་ལ་ཁྱབ།། ཡེ་ཤེས་འགྱུར་མེད་ཀུན་གྱི་གཞི།། དེ་ཡི་འདུག་ཚུལ་དང་ལ་རིག། སུས་ཀྱང་མ་བྱས་ཡེ་ནས་ཡོད།། ས་ལེ་བ་ལ་ཁ་དོག་མེད།། རང་བཞིན
67a4 གསལ་བའི་འདུག་ཚུལ་ཡིན།། རང་བྱུང་རིག་པའི་སྣང་ཚུལ་ནི།། ཕྱོགས་ཞེན་གང་ཡང་མེད་པའི་ཕྱིར།། ཕྱི་ནང་མེད་པ་ཆོས་ཀྱི་སྐུ།། ཟང་ཐལ་འགྱུར་མེད་ཡེ་ནས་ཡོད།། གདོད་ནས་རང་བྱུང་དག་པའི་སྐུ།། རང་གི
67a5 ས་ལ་གནས་པའི་ཚེ།། རང་གི་གཟུགས་ཀྱི་ནང་ན་ནི།། རང་བྱུང་རིག་པ་བཞི་ལྡན་ཡོད།། དེ་ཡི་ངོ་བོ་གཅིག་ཏུ་འདུས།། མངོན་གསལ་བ་ཡི་བདག་ཉིད་ཅན།། དེ་ཉིད་ལྷང་ངེ་ལྷན་ནེ་བ།། རྡོ་རྗེ་རང་བྱུང་འགྱུར་བ
67a6 མེད།། དེ་དོན་ངེས་པའི་གདམས་ངག་འདི།། ཚིག་དང་ཡི་གེའི་ཡུལ་ལས་འདས།། རང་བྱུང་རིག་པ་སྐྱེ་འགག་མེད།། སྟོན་ཁའི་ནམ་མཁའ་སྦྱིན་མེད་འདྲ།། གནས་སྐབས་དགོངས་པ་མཐར་ཕྱིན་པས།། མ་བཙལ་མ
iiif viewer powered by OpenSeadragon
