| e-texts navigator |
| Wylie |
66b1 རིམ་པ་ནི།། དད་པ་ཡིས་ནི་ལུང་ལྡན་ལ།། ཡིད་འཐད་འབུལ་ནུས་ཚོགས་ཀྱི་ལམ།། བསམ་པ་བཟང་པོ་གསེར་འདྲ་གྲུབ།། བླ་མས་གནད་ཕྱིན་ཐེ་ཚོམ་མེད།། དེ་དུས་མཁའ་འགྲོ་མཆོད་བྱས་ནས།། སྦྱོར་བ་མེ་འདྲ
66b2 གང་ཡང་འགྲུབ།། དེ་ཕྱིར་སྦྱོར་བའི་ལམ་དུ་གསུང་།། ལུང་ལྡན་གདམས་ངག་གདེངས་ལྡན་པས།། བློ་ལྡན་ཡིད་ཆེས་གདེངས་ལྡན་ཕྱིར།། ལོང་བ་མིག་ཕྱེད་གནམ་མཐོང་བཞིན།། ཆོས་ཉིད་བདེན་པའི་ལམ་ཞེས
66b3 བྱ། དོན་དེ་གོ་ནས་རྒྱུད་དུ་ནི།། འབྲལ་མེད་དབང་ཐོབ་ངེས་བསྟན་ཕྱིར།། ཆུ་ཆེན་བཞིན་དུ་གནས་འགྱུར་མེད།། བདེན་པ་བསྒོམས་པའི་ལམ་ཞེས་བྱ།། སྙན་རྒྱུད་ངེས་པའི་གདམས་ངག་འདི།། རང་གི་ཐུགས་ལ
66b4 དོན་རྫོགས་ཕྱིར།། དབུལ་པོས་ནོར་ཆེན་རྙེད་པ་འདྲ།། དེ་ཕྱིར་མཐར་ཕྱིན་ལམ་ཞེས་བྱ།། དེ་ཡང་འདུས་པའི་སྙིང་པོ་ཉོན།། དེ་དག་ལམ་ལྔར་བསྟན་པ་ཡང་།། གང་ཟག་དྲང་ཕྱིར་བསྟན་པ་ལས།། དོན་ལ་རིམ་པར
66b5 དབྱེ་རུ་མེད།། སྣོད་བཅུད་འཛོམ་པས་ཀུན་ཀ་རྫོགས།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། ལམ་ལྔ་དུས
66b6 གཅིག་ཏུ་རྫོགས་པར་བསྟན་པའི་ལེའུ་སྟེ་ཉེར་བཞི་པའོ།། །། དེ་ནས་འདུས་པའི་ཚོགས་རྣམས་ལ།། གདམས་ངག་མངོན་དུ་བསྟན་པ་ཡིས།། རིག་འཛིན་སེམས་དཔས་དོན་རིག་ནས།། ཐ་མལ་རང་རྒྱུད
iiif viewer powered by OpenSeadragon
