| e-texts navigator |
| Wylie |
66a1 གི།། ལག་ན་རྡོ་རྗེའི་སྤྲུལ་པ་ལས།། ཡང་དག་གདམས་ངག་སྔོན་བྱུང་ནས།། རྡོ་རྗེ་མི་འགྱུར་རྩལ་ལ་ནི།། སྡེབ་སྦྱོར་ལེགས་པའི་ཚིག་གིས་ནི།། དོན་དང་མཐུན་པར་བཀྲོལ་ནས་བཤད།། དེ་ཚེ་ངེས
66a2 དོན་གདམས་ངག་ནི།། རྣམ་གཟིགས་སྤྲུལ་པ་སྒྲུབ་མཆོག་ལ།། ཚིག་ཉུང་དོན་འབྲེལ་གདམས་ངག་ཟབ།། གོ་སླ་གདེང་དུ་གྱུར་པར་བསྟན།། དེ་ཡིས་བྱམས་མགོན་སྐུའི་སྤྲུལ་པ།། མི་བརྗེད་གཟུངས་ཐོབ་གྲོགས
66a3 བཙལ་ལ།། བསྟན་པ་ཙམ་གྱིས་སངས་རྒྱས་པའི།། རང་བྱུང་ཆོས་སྐུ་མངོན་དུ་གོ།། དེ་དུས་སྒྲོལ་མའི་སྐུ་སྤྲུལ་པའི།། རིན་ཆེན་རྩལ་ལ་མངོན་བསྟན་པས།། དུག་ལྔ་རང་གྲོལ་མངོན་གྱུར་ནས།། སྒྲིབ་གཉིས་མ
66a4 སྦྱངས་མངོན་སངས་རྒྱས།། དེ་ཡང་འདུས་པའི་སྙིང་པོ་ཉོན།། རྒྱུད་གསུམ་མ་ནོར་གདམས་ངག་ནི།། སྲས་ལ་རྒྱལ་སྲིད་གཏོད་པ་བཞིན།། ཡང་ཏི་གདམས་ངག་མ་ནོར་པ།། བར་མཆོད་ཅིང་མ་བསླད་དོན།། ཤེས
66a5 རབ་བློ་ལྡན་སྣོད་ལ་ཡིན།། དེ་ཉིད་མངོན་དུ་ཕྱུང་བ་བསྟན།། བུདྡྷ་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། རིག་འཛིན་གྲུབ
66a6 པ་ཐོབ་པའི་བཀའ་རྟགས་དངོས་བསྟན་པའི་ལེའུ་སྟེ་ཉེར་གསུམ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སེམས་ཀྱི་རྒྱལ་པོ་ཡིས།། ལམ་ལྔ་རྫོགས་པར་བཀའ་སྩལ་པ། ཅིག་ཆར་རྫོགས་ལ
iiif viewer powered by OpenSeadragon
