| e-texts navigator |
| Wylie |
65b1 གསུངས།། བུདྡྷ་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། སྣང་བའི་ཡུལ་གྱི་གོལ་ས་བསྟན་པའི་ལེའུ་སྟེ་ཉེར་གཉིས
65b2 པའོ།། །། དེ་ནས་ཀུན་རིག་སྟོན་པ་ཡིས།། དེ་ནས་འདུས་པའི་སྙིང་པོ་ལ།། རིག་འཛིན་གྲུབ་པ་ཐོབ་པ་ཡི།། བཀའ་རྟགས་ཆེད་དུ་བཀའ་སྩལ་པ།། སངས་རྒྱས་ཀུན་གྱི་ངེས་པའི་དོན།། དོན་གྱི་ཁྱབ་དང
65b3 རྟོགས་པ་ཡིས།། བྱིན་གྱིས་བརླབས་དང་བརྡའི་ཚིག་དོན།། སྣོད་ལྡན་བློ་དང་ལྡན་པ་ལ།། མ་ནོར་ངེས་པར་ངས་བཤད་ཀྱིས།། བརྗེད་མེད་དད་པའི་སེམས་ཀྱིས་ཉོན།། སངས་རྒྱས་སྙིང་པོ་ཆོས་སྐུ་ནི།། འགྲོ་དྲུག
65b4 སེམས་ཅན་ཐམས་ཅད་ལ།། རང་བྱུང་ཡེ་ཤེས་ངོ་བོ་ཡོད། ཀུན་ལ་ཁྱབ་པས་ནམ་མཁའ་འདྲ།། དེ་ཡང་འདུས་པའི་སྙིང་པོ་ཉོན།། དེ་ཚེ་འོག་མིན་གནས་མཆོག་ཏུ།། སྔོན་གྱི་སངས་རྒྱས་རིགས་ལྔ་ལ།། ཚིག་ཏུ་མ
65b5 བསྟན་དོན་དུ་ཤར།། རང་གི་རིག་པ་རྟོགས་ནས་རྒྱུད།། དཔལ་གྱི་དཔལ་གྱུར་ཀུན་བཟང་གིས།། རྒྱུད་བདག་རྡོ་རྗེ་སེམས་དཔའ་ལ།། ངེས་དོན་གདམས་ངག་དོན་བསྟན་པས།། དེ་ཕྱིར་བྱིན་གྱིས་བརླབས་ཞེས
65b6 བྱ།། དེ་ཡང་འདུས་པའི་སྙིང་པོ་ཉོན།། སྦྲུལ་སྐུས་བརྡའ་ཡིས་བསྟན་པ་ཡང་།། ཚིག་དོན་ལུས་དང་རྟགས་ཀྱི་བརྡའ།། རིག་འཛིན་སྤྲུལ་པ་བཞད་རྩལ་གྱིས།། ལྷ་གནས་མི་ཡི་ཡུལ་དུ་བྱུང་།། དེ་ཚེ་ངེས་པའི་དོན་ཚིག
iiif viewer powered by OpenSeadragon
