| e-texts navigator |
| Wylie |
64b1 མཐོང་།། འབྱུང་བ་མ་འགགས་ནམ་མཁའ་བཞིན།། སྣང་སྟོང་གཉིས་མེད་དབྱེར་མེད་ཕྱིར།། དེ་ཕྱིར་མཚན་ཉིད་གཉིས་སུ་མེད།། ཡེ་ནས་གཉིས་མེད་ངང་གིས་སྟོང་།། དེ་ལྟར་རྟོགས་པས་རང་གི་བློ།། ཡུལ་གྱི
64b2 འབྱུང་ལྔ་རིག་པ་མེད།། དེ་ཕྱིར་གཟུང་འཛིན་རང་སར་གྲོལ།། ངོ་བོ་ཉིད་ཀྱིས་དམིགས་སུ་མེད།། དེ་ཡང་རྡོ་རྗེ་སེམས་དཔའ་ཉོན།། ཐུན་མོང་མ་ཡིན་ནང་བལྟས་པའི།། རང་སེམས་སྐྱེ་མེད་སྟོང་པ་ལ།། ཁ་དོག
64b3 དབྱིབས་ཀྱི་མཚན་མ་མེད།། དེ་ཕྱིར་རང་བྱུང་སྐྱེ་བ་མེད།། རང་བྱུང་མ་སྐྱེ་ཡེ་གནས་ཡིན།། དེ་ལ་དྲན་རིག་མ་འགགས་པའི།། རིག་པ་གསལ་བ་རྒྱུན་མི་འཆད།། གང་དྲན་རོལ་པ་མ་འགགས་ཤེས།། དེ་ཙམ་ཉིད
64b4 ནས་ཆོས་སྐུར་ཤར།། སེམས་ཉིད་སྟོང་དང་རིག་པ་གཉིས།། སོ་སོ་མ་ཡིན་གཅིག་གི་ངང་།། དེ་ཕྱིར་མཚན་ཉིད་གཉིས་སུ་མེད།། དེ་ལ་ཐ་དད་དབྱེར་མེད་ཅིང་།། ཡེ་ཤེས་རང་བྱུང་ངོ་བོ་ཉིད།། སེམས་དང་རོལ་པ
64b5 རང་སར་གྲོལ།། གང་ཡང་གཞི་ལ་མེད་པའི་ཕྱིར།། རང་གི་བློ་གྲོས་ངོ་བོར་གནས།། དེ་ཡང་འདུས་པའི་སྙིང་པོ་ཉོན།། ཁྱད་འཕགས་ལ་ཟློའི་གཏན་ཚིགས་ནི།། ཉི་མ་དང་ནི་ཟེར་བཞིན་དུ།། ཕྱི་ནང་གཉིས་ཀ
64b6 གཟུགས་དང་སྐུ།། ཡང་དག་ཉིད་ན་སྐྱེ་བ་མེད།། མ་སྐྱེས་རིག་པ་དངོས་མེད་གསལ།། གང་ཡང་ཡེ་ཤེས་མ་འགགས་ཤར།། དེ་ཙམ་ཉིད་ནས་ཞེན་མེད་རིག། རིག་པ་གང་དྲན་ཆོས་སྐུར་ཤར།། དེ་ཕྱིར་རྣམ་རྟོག་རྡུལ
iiif viewer powered by OpenSeadragon
